JAHAAN BAANI ATA KARDIEN

Jahaan Baani Ataa Kardein Bhari Jannat Hiba Kardein

Nabi Mukhtaar E Kul Hain Jis Ko Jo Chaahein Ataa Kardein

Jahaan Mein Un Ki Chalti Hai Wo Dum Mein Kya Se Kya Kardein

Zameen Ko Aasmaan Kardein Suraiya Ka Saraa Kardein

Fazaa Mein Udne Waale Yun Na Itraayein Nida Kardein

Wo Jab Chaahein Jise Chaahein Usey Farma Rawaa Kardein

Meri Mushkil Ko Yun Aasaan Mere Mushkil Kusha Kardein

Har Ek Mauje Balaa Ko Mere Maula Naakhuda Kardein

Munawwar Meri Aankhon Ko Mere Shamsud Duha Kardein

Gamon Ki Dhoop Mein Wo Saaya E Zulfe Dota Kardein

Ataa Ho Bekhudi Mujhko Khudi Meri Hawaa Kardein

Mujhe Yun Apni Ulfat Mein Mere Maula Fanaa Kardein

Jahaan Mein Aam Paigaam E Shahe Ahmed Raza Kardein

Palat Kar Peechhe Dekhein Phir Se Tajdeed E Wafa Kardein

Nabi Se Jo Ho Begaana Usey Dil Se Juda Kardein

Pidar, Maadar, Biraadar, Maalo Jaan Un Par Fida Kardein

Kisi Ko Wo Hansaate Hain Kisi Ko Woh Rulaate Hain

Wo Yunhi Aazmaate Hain Wo Ab To Faisla Kardein

Gil E Taiba Mein Mil Jaaoon Gulon Mein Mil Ke Khil Jaaoon

Hayaat E Jaawedaani Se Mujhe Yun Aashna Kardein

Unhein Manzoor Hai Jab Tak Ye Daur E Aazmaish Hai

Na Chaahein To Abhi Wo Khatm Daure Ibtila Kardein

Mujhe Kya Fikr Ho AKHTAR Mere Yaawar Hain Wo Yaawar

Balaaon Ko Jo Meri Khud Giraftaar-E-Balaa Kardein