madine ko jaaen ye jee chaahta hai lyrics

 

 

madine ko jaaen ye jee chaahta hai
muqaddar banaae.n ye jee chaahta hai

madine ko jaae.n ye jee chaahta hai

madine ke aaqa ! do ‘aalam ke maula !
tere paas aae.n ye jee chaahta hai

madine ko jaae.n ye jee chaahta hai

jahaa.n dono.n ‘aalam hai.n mahw-e-tamanna
wahaa.n sar jhukaae.n ye jee chaahta hai

madine ko jaae.n ye jee chaahta hai

muhammad ki baate.n, muhmmad ki seerat
sune.n aur sunaae.n ye jee chaahta hai

madine ko jaae.n ye jee chaahta hai

dilo.n se jo nikle.n dayaar-e-nabi me.n
sune.n wo sadaae.n ye jee chaahta hai

madine ko jaae.n ye jee chaahta hai

pahunch jaae.n, Behzaad ! jab ham madine
to KHud ko na paae.n ye jee chaahta hai

madine ko jaae.n ye jee chaahta hai

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.