Aap Aaye Hain Jo Pyare Aaqa Naat Lyrics
Aap Aaye Hain Jo Pyare Aaqa
Rashke Jannat Bana Hai Madina
Khushbooyen Paayi Hain Sab Gulon Ne
Aur Anghunthi Ne Paaya Nagina
Kaisa Andaz Hai Dilrubaayi
Haath Ka Takiya Bistar Chataayi
Jab Ke Maalik Hain Dono Jahan Ke
Thokaron Me Jahan Ka Khazina
Jiski Khushboo Ke Zariye Sahaba
Dhoond Lete The Pyare Nabi Ko
Saat Naslen Mahakti Hain Jis Se
Mere Aaqa Ka Hai Wo Pasina
Unki Nazron Se Jis Ne Bhi Pi Hai
Wo To Pi Kar Ke Bhi Jannati Hai
Maste Maikhana-E-Mustafa Se
Noor Kaisa Piya Jam O Meena
Saari Galiyan Mohalle Saja Do
Unke Dushman Ke Dil Ko Jala Do
Chhat Pe Jhande Hare Sab Laga Do
Aa Raha Hai Nabi Ka Madina
Jaan Le Baat Ye Saari Ummat
Farz Ki Rab Ne Inki Mohabbat
Wo Jalega Jahannam Me Logo
Sayyadon Se Jo Rakkhega Keena
Jis Jagah Kamli Wale Ka Ghar Hai
Wo Jagah Khuld Se Bala-tar Hai
Mere Sarkar Ki Jo Hai Choukhat
Hai Wahi Arshe Aazam Ka Seena
Mere Sarkar Mere Maseeha
Aap Par Hai Fida Sara Kunba
Aap Ke Naam Par Hi Hai Marna
Aap Ke Naam Par Hi Hai Jeena
Hijr Kya Hai Wahi Kah Rahe The
Ashk Aankhon Se Jo Bah Rahe The
Siskiyan Aur Aaho Fughan Thin
Jab Hai Chhoota Shajar Se Madina