دشمن احمد پہ شدت کیجئے
دشمن احمد پہ شدت کیجئے
ملحدوں کی کیا مروت کیجئے
ذکر ان کا چھیڑیئے ہر بات میں
چھیڑنا شیطان کا عادت کیجئے
مثل فارس زلزلے ہو نجد میں
ذکر آیات ولادت کیجئے
غیظ میں جل جائیں بے دینوں کے دل
یارسول الله کی کثرت کیجئے
کیجئے چرچا انہیں کا صبح و شام
جان کا فر پر قیامت کیجئے
آپ درگاہ ہدا میں ہیں وجیہہ
ہاں شفاعت بالوجاہت کیجئے
حق تمہیں فرماچکا اپنا حبیب
اب شفاعت بالمحبت کیجئے
اذن کب کا مل چکا اب تو حضور
ہم غریبوں کی شفاعت کیجئے
ملحدوں کا شک نکل جائے حضور
جانب مہ پھر اشارت کیجئے
شرک ٹھہرے جس میں تعظیم حبیب
اس برے مذہب پہ لعنت کیجئے
ظالمو! محبوب کا حق تھا یہی
عشق کے بدلے عداوت کیجئے
والضحیٰ حجرات الم نشرح سے پھر
مومنو اتمام حجت کیجئے
بیٹھتے اٹھتے حضور پاک سے
التجا و استعانت کیجئے
یارسول الله دہائی آپ کی
گوشمال اہل بدعت کیجئے
غوث اعظم آپ سے فریاد ہے
زندہ پھر یہ پاک ملت کیجئے
یا خدا تجھ تک ہے سب کا منتہی
اولیاء کو حکم نصرت کیجئے
میرے آقا حضرت اچھے میاں
ہو رضا# اچھا وہ صورت کیجئے