100 Inspirational Quotes to Keep You Inspired

 

Aqwal E Zareen in Urdu by Hazrat Ali

  1. Jisne Kisi Ko Akele Mai Nasihat Ki Usne Usse Sawar Diya aur Jis ne Kisi Ko Sab Ke Samne Nasihat Ki Usne Usko Mazeed Bigaad Diya.
    – Shere Khuda Hazrat Ali Radiallahu Anhu
  2. Log Pyar Ke Liye Hote Hai Aur Cheezein Istemaal Ke Liye. Baat Us Waqt Bigadti Hai Jab Cheezon Se Pyaar Aur Logon Ko Istmaal Kiya Jaye.
    – Shere Khuda Hazrat Ali Radiallahu Anhu
  3. Aitbaar Aur Pyar Do Aise Parindey Hai Agar In Me Se Ek Udd Jaye To Doosra Khud Hi Udd Jata Hai.
    – Shere Khuda Hazrat Ali Radiallahu Anhu
  4. Yeh Duniya Kitni Ajeeb Hai Imaandar Ko Bewaqoof, Be-Imaan Ko Aqalmand, Aur Behaya Ko Khoobsurat Kehti Hai.
    – Shere Khuda Hazrat Ali Radiallahu Anhu
  5. Agar Duniya Me Sukoon Hota To ALLAH Ko Kaun Yaad Karta. Sukoon To Sirf Unlogon Ke Paas Hai Jo ALLAH Ki Raza Ko Apni Raza Samajhte Hai.
    – Shere Khuda Hazrat Ali Radiallahu Anhu
  6. Koshish Karo Ki Tum Duniya Me Raho, Duniya Tum Me Na Rahe. Kyunki Kashti Jab Tak Pani Me Rehti Hai, Khoob Terti Hai. Lekin Jab Pani Kashti Me Aa Jata Hai To Wo Doob Jati Hai.
    – Shere Khuda Hazrat Ali Radiallahu Anhu
  7. Duniya Mein Behtreen Insaan Wo Hai Jiske Liye Koi Roye Aur Badtareen Insaan Wo Hai Jiski Wajah Se Koi Roye.
    – Shere Khuda Hazrat Ali Radiallahu Anhu
  8. Agar tum kisi ko dhokha dene mein kamyaab ho jate ho to ye mat socho ki wo kitna bewaqoof hai, balki ye socho ki usko tum par aitbaar kitna tha.
    – Shere Khuda Hazrat Ali Radiallahu Anhu

Quotations in Urdu by Imam Ali Ibn Abi Talib

  1. Agar Tumhain Yaqeen Ho Jaye ke Tumhara Rizq ALLAH K Paas Hai to Phir Rizq Ki Nahi ALLAH ki Talash Karo Jis K Paas Tumhara Rizq Hai.
    – Shere Khuda Hazrat Ali Radiallahu Anhu
  2. Rizq Ke Peeche Apna Imaan Kharab Mat Karo. Kyunki Naseeb Ka Rizq Insaan Ko Aise Talaash Karta Hai Jaise Marne Wale Ko Maut.
    – Shere Khuda Hazrat Ali Radiallahu Anhu
  3. Din Ko Rizq Talaash Karo Aur Raat Ko Use Talaash Karo Jo Tumhe Rizq Deta Hai.
    – Shere Khuda Hazrat Ali Radiallahu Anhu
  4. Agar Rizq Aqal-o-Danish Se Milta To Jaanwar Aur Bewakoof Zinda Hi Na Rehte.
    – Shere Khuda Hazrat Ali Radiallahu Anhu
  5. Jhoothe Ki Sabse Badi Saza Yeh Hai Ki Uske Sach Ka Bhi Aitbaar Koi Nahi Karte.
    – Shere Khuda Hazrat Ali Radiallahu Anhu
  6. ALLAH ke Nazdeek Sabse Zyada Gunahgar Cheez Jhoot Bolne Wali Zaban Hai.
    – Imam Ali Radiallahu Anhu
  7. Tumhara Nafs Bohot Keemti Hai. Ise Jannat Se Kam Kisi Keemat Pe Mat Bechna.
    – Imam Ali Radiallahu Anhu
  8. Tumhare Nafs ki Keemat Jannat he Apne Nafs Ko Kabhi isse Kam Keemat Main Na Bechna.
    – Imam Ali Radiallahu Anhu
  9. Sabse Zyada Kareeb Aur Bada Dushman Apna Nafs Hai.
    – Imam Ali Radiallahu Anhu
  10. Jab Aankhein Nafs ki Pasandeeda Cheezein Dekhne Lage To Dil Anjaam Se Andha Ho Jata hai.
    – Imam Ali Radiallahu Anhu
  11. Kisi ko Tum Chaho Aur Woh Tumhe Thukra De To Yeh Uski Badnaseebi hai. Aur Agar Koi Tumhe Na Chahe aur Tum Use Zabardasti Apna Banana Chaho To yeh Tumhare Nafs Ki Zillat Hai.
    – Imam Ali Radiallahu Anhu

 

Hazrat Ali Ka Farman Hindi Me

  1. Boori Aadat Ki Taaqat Ka Andaza Tab Hota Hai Jub Usey Chodney Ki Koshish Ki Jaati Hai.
    – Hazrat Ali Ibn Abi Talib Radiallahu Anhu
  2. “Agar Log Subah Ki Namaz Ka Sawaab Aur Fazilat Ko Jaan Len To Raat Ko Iss Darr Se Sona Chhorh De Ke Kahi Neend Ki Wajah Se Namaz Na Reh Jaye.”
    – Hazrat Ali Ibn Abi Talib Radiallahu Anhu
  3. Hazrat Ali (RadiAllahu Anhu) Farmate Hai Ke :
    “Jab Tumhe Mehsoos Ho Ke Tumhari Tabiyat Ko Zikr-e-Khuda Se Mohabbat Ho Gayi Hai, Tou Jaan Jao Woh (Allah Ta’ala) Tumhe Pasand Karta Hai”.
  4. (Aye Ibne Aadam!) Zaahir Par Na Ja! Aag Dekhne Me Surkh(Lal) Lagti Hai Par Uska Jalaya Hua Sia Ho Jata Hai, Pus Duniya Bazaahir Khubsurat Aur Uska Jalaya Hua Badd’surat Hai.
    – Hazrat Ali Ibn Abi Talib Radiallahu Anhu

    Hazrat Ali Qol
  5. Jab Tum Sukoon Ki Kami Mehsoos Karo Tou Apne Rabb Ki Bargaah Me Taubah Karo, Kyun Ke Insan Ke Gunaah Hii Hai Jo Dil Ko Bechain Rakhte Hain.
    – Hazrat Ali Ibn Abi Talib Radiallahu Anhu
  6. Hazrat Ali (Radi’Allahu Anhu) Se Pucha Gaya Ke Allah Qayamat Ke Din Ek (1) Hee Waqt Saari Kainaat Se Hisaab Kaise Lega ?
    Hazrate Ali (Radi’Allahu Anhu) Ne Farmaya – Jaise 1 Hee Waqt Me Saari Kainaat Ko Rizq De Raha Hai.
  7. Jiski Nigahain Azad Ho Uss Ka Dil Ranjeeda Hota Hai, Jo Baar Baar Azadaana Nigaah Karta Hai Wo Hamesha Hasrato Me Mubtla Rehta Hai.
    – Hazrat Ali Ibn Abi Talib Radiallahu Anhu
  8. “Soorat” Aur “Seerat” Me Sab Se Bada Farq Yeh He Ke Soorat “Dhoka” Deti He Jab Ke Seerat “Pehchaan” Karaati He.
    – Hazrat Ali Ibn Abi Talib Radiallahu Anhu

Hazrat Ali Ka Koul

  1. Jo ‘Khuda’ Ko Naraaz Kar Ke Logo’n Ki Khush-Nudi Haasil Karna Chaahey Tou ‘Khuda’ Uss Ko Logo’n Par Hi Chod Deta Hai.
    – Hazrat Imam Ali Radi Allahu Anhu
  2. Doosron K “Mahel” Mein Gulami Karne Se Behtar Hai K Insan Apni Jhonpdi Main Hukumat Kare.
    – Hazrat Imam Ali Radi Allahu Anhu
  3. Insaniyat Bahot Bada Khazana Hai Usey “Libaas” Mein Nahi “Insan” Mein Talash Karo.
    – Hazrat Imam Ali Radi Allahu Anhu
  4. Chote chote gunaho se bacho, kyun ke yeh chote chote gunah hi bade bade gunaho ki taraf bulate hain.
    – Hazrat Imam Ali Radi Allahu Anhu
  5. Aankh Se Aansoo Ka Jari Na Hona Dil Ki Sakhti Ki Wajah Se Hai, Aur Dil Ki Sakhti Gunaho Ki Wajah Se Hai.
    – Hazrat Imam Ali Radi Allahu Anhu
  6. Khauf E Ilahi Gunaho Se Dur Rakhne Ka Achcha Zariya Hai.
    – Hazrat Imam Ali Radi Allahu Anhu
  7. Aankhen saitan ki jaal hai. woh bahot jald mutassir ho jati hai aur jaldi hi haar maan leti hai.
    – Hazrat Imam Ali Radi Allahu Anhu
  8. Ae Allah ! Main tujhse dua sirf isliye mangta hoon ke tera hukm hai warna main kaun hota hoon tujhe mashwara denewala ke mere liye kya behtar hai.
    – Hazrat Imam Ali Radi Allahu Anhu
  9. Zindagi ki asal khoobsurti yeh nahi ke tum kitne khush ho balke zindagi ki asal khoobsurti toh yeh hai ke dusre tumse kitna khush hai.
    – Hazrat Imam Ali Radi Allahu Anhu

Hazrat Ali Ki Naseehat

  1. Khushnaseeb woh nahi jiska naseeb acha hai, balke khushnaseeb woh hai jo apne naseeb par khush hai.
    – Hazrat Imam Ali Radi Allahu Anhu
  2. Jab Tak Tumhare Naseeb Yaawar Hai, Tumhare Aib Dhake Hue Hai.
    – Hazrat Imam Ali Radi Allahu Anhu
  3. Jab dua aur koshish se kaam na bane to faisla allah par chod do. woh apne bando ke haq mein behtar faisla karne wala hai.
    – Hazrat Imam Ali Radi Allahu Anhu
  4. Insan kis se mohabbat zyada karta hai ? Aulad ke marne par aadmi ko nind aa jati hai magar maal ke cheen jane par nind nahi aati.
    – Hazrat Imam Ali Radi Allahu Anhu
  5. Duniya Main Jo Ameer Hai Aur Khairat Nahi Karte, Aakhirat Main Woh Sabse Zyada Gareeb Honge.
    – Hazrat Imam Ali Radi Allahu Anhu
  6. Sharab Ke Nashe Mein Chur To Kuch Der Mein Hosh Me Aajata Hai, Magar Takabbur Aur Gaflat Me Pade Logo Ko Hosh Mein Aane Mein Bahot Der Lagti Hai.
    – Hazrat Imam Ali Radi Allahu Anhu
  7. Agar Duniya Fateh Karna Chahte Ho To Apni Awaz Mein Narm Lehza Paida Karo. Iska Asar Talvar Se Zyada Hota Hai.
    – Hazrat Imam Ali Radi Allahu Anhu
  8. Amirul Momineen Moula E Kainat Hazrat Syedna Ali E Murtaza Radiallahu Anhu Farmate He Ke “Agar Allah Ta’ala Ko Ummat E Mohammadi Sallallahu Alayhi Va Sallam Par Azaab Karna Maqsood Hota To Inko Ramzan Aur Surah Ikhlas (Surah Qul Huwallah Sharif) Hargiz Inayat Na Farmata”
    [Nuzhatul Majaalis]

Maximum Share An Inspirational Hazrat Ali Quotes and Sayings In Hindi | Imam Ali Life Quotes Hindi, Urdu, English | Islamic Messages

 

 

Mola Ali Ka Farman

  1. Golden Words By Hazrat Ali :-
    1 Khalis Dosti Ek Accha Rishta Hai.
    2 Agar Tum Badshah ho Tab Bhi Apne Walid or Ustad Ke Taazeem k Liye Khade Ho Jao.
    3 Na Umeedi Se Rooh Mar Jati Hai.
    4 Zuban Esa Darinda Hai Jise Agar Khula Chod Diya Jaye To Phaad khaye.
    5 Neki Ka Iradah Hashra Ki Aag ko Bujata Hai.
    6 Jo Mile Usi Me Se Do.
    7 Padoshiyo Ke Bachcho Par Nawaazish Aur Maherbani Karo.
    8 Jitni Gairat Hogi Utni Hi Paak Daamani Hogi.
  2. Gusse ki haalat me koi faisla mat karo aur agar khush ho to koi vaada mat karo.
    – Moula Ali Radi Allahu Anhu
  3. Insaan Ka Kirdaar Uski Zaban Ke Neeche Dafan Hota Hai. Agar Kisi Shakhs Ke Kirdaar Ka Pata Lagana Ho To Use Sakht Gusse Ki Haalat Me Dekho.
    – Moula Ali Radi Allahu Anhu
  4. 5 Cheezon ki 5 Jagah Par Hifazat Karo:
    1-Mehfil Me Zaban Ki
    2-Bazar Me Aankh Ki.
    3-Namaz Me Dil Ki
    4-Dastarkhan Par Pet Ki.
    5-Nigah Me Haya Ki
    – Moula Ali Radi Allahu Anhu
  5. Jab Insaan Narazgi Khatam Karne Me Pehl Karta Hai To Iska Yeh Matlab Nahi Ki Wo Ghalat Tha, Iska Matlab Hai Ki Use Aan Se Zyada Rishta Aziz Hai.
    – Moula Ali Radi Allahu Anhu
  6. Hamesha Apni Choti Choti Ghaltiyon se Bachne ki Koshish karo, kyunki Insaan Pahadon se Nahi Balki Chote Chote Pattharon se Thokar Khata Hai.
    – Moula Ali Radi Allahu Anhu
  7. Tumhari Niyyat ki Aazmaish us Waqt hoti hai? Jab tum kisi aise Insaan ki madad karo jis se tumhe koi cheez ki umeed na ho.
    – Moula Ali Radi Allahu Anhu
  8. Insaan Ko Acchi Niyyat Pe Wo Inaam Milta Hai, Jo Use Acche Aamal Par Bhi Nahi Milta.
    – Moula Ali Radi Allahu Anhu

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.