koi duniya-e-‘ata men nahin hamta tera lyrics

 

 

koi duniya-e-‘ata me.n nahi.n hamta tera
ho jo haatim ko muyassar ye nazaara tera
kah uThe dekh ke baKHshish me.n ye rutba tera
waah ! kya jood-o-karam hai, shah-e-bat.ha ! tera
nahi.n sunta hi nahi.n maangne waala tera

kuchh bashar hone ke naate tujhe KHud sa jaane.n
aur kuchh mahaz payaami hi KHuda ka jaane.n
in ki auqaat hi kya hai ki ye itna jaane.n
farsh waale teri shaukat ka ‘uloo kya jaane.n
KHusrawaa ! arsh pe u.Dta hai farera tera

mujh se naa-cheez pe hai teri ‘inaayat kitni
tu ne har gaam pe ki meri himaayat kitni
kya bataau.n ! teri rahmat me.n hai wus’at kitni
ek mai.n kya ! mere ‘isyaa.n ki haqeeqat kitni
mujh se so laakh ko kaafi hai ishaara tera

nazr-e-‘ushshaaq-e-nabi hai ye mera harf-e-Gareeb
mimbar-e-waa’z pe la.Dte rahe.n aapas me.n KHateeb
ye aqeeda rahe allah kare mujh ko naseeb
mai.n to maalik hi kahunga ki ho maalik ke habeeb
yaa’ni mahboob-o-muhib me.n nahi.n mera tera

kai pushto.n se Gulaami ka ye rishta hai bahaal
yahi.n tifli-o-jawaani ke bitaae mah-o-saal
ab bu.Dhaape me.n, KHudaara! hame.n yu.n dar se na Taal
tere Tuk.Do.n pe pale Gair ki Thokar pe na Daal
jhi.Dkiyaa.n khaae.n kahaa.n chho.D ke sadqa tera

tujh se har-chand wo hai.n qadr-o-fazaail me.n rafee’a
kar, Naseer ! aaj magar fikr-e-raza ki tausee’a
paas hai us ke shafaa’at ka waseela bhi waqee’a
teri sarkaar me.n laata hai Raza us ko shafee’a
jo mera Gaus hai aur laaDla beTa tera

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.