QURBAAN MEIN UNKI BAKHSHISH KE NAAT LYRICS
Qurbaan Mein Unki Bakhshish Ke, Maqsad Bhi Zubaa Par Aaya Nahi
Bin Maange Diya Aur Itna Diya, Daaman Mei Hamaare Samaaya Nahi
Imaan Mila Un Ke Sadqe, Quran Mila Un Ke Sadqe
Rehmaan Mila Un Ke Sadqe, Woh Kya Hai Jo Ham Ne Paaya Nahi(N)
Aawaaz Karam Deta Hi Raha, Thak Haar Gaye Lene Waale
Mangto Ki Hameshaah Laaj Rakhi, Mehroom Kabhi Lautaaya Nahi
Un Ka To Shiyaar Karimi Hai, Maa-Il Ba Karam Hi Rehte Hai
Jab Yaad Kiya Aey Salle Ala, Woh Aahi Gaye Tadpaaya Nahi
Khurshid Qiyaamat Ki Tapish, Maana Ke Qiyaamat Hi Hogi
Ham Un Ke Hai Ghabraaei Kyo, Kya Ham Pe Nabi Ka Saayaah Nahi
Us Mohsane Azam Ke Yu To, Khalid Pe Hazaro Ehsaan Hai
Qurbaan Magar Is Ehsaan Ke, Ehsaan Bhi Kiya To Jataaya Nahi