funny shayri

funny shayri

 

Uff Ye Angraiz Bhi Na..
Alf Bay Pay Ko To A To Z Kehte Hain
Hum Inko Pagal Aur Ye Hamein Mad Kehte Hain
Jeeti Jaagti Ammi Ko Mummy
Aur Zinda Baap Ko Dad Kehte Hain
Kitne Pagal Hain Ye Angraiz Bhi Kay..
Samandar Kay Kinaray Ko Beach Kehte Hain

 

Suno Ghor Se Pepsi Walo
Buri Nazr Na Coke Pe Dalo
Chahe Jitna Dew Pila Lo
Sab Se Aagay Hoga Limopani

 

Koi Umeed Bar Nahi Aati
Hukumat Kahan Hai? Nazar Nahi Aati

Chup Reh Kar Bhi Dekh Liya Hum Ne
Sharam Unko Magar Nahi Aati

Pehle Hoti Thi Loadshedding 1 Ghanta
Ab Saara Din Light Ghar Nahi Aati

Cheeni Thi 20 Rupay Kilo Jo Kabhi
Ab To 20 Ki Pao Bhi Nahi Aati

Aa Jata Hai Bilawa Har Roz Paki
Aur Sakhtawar Eid Par Bhi Nahi Aati

Bibi Ko Maray Huay To Guzar Gaye 4 Saal
Magar Bardari Ko Maut Kyun Nahi Aati

 

 

Maine Sardari Ko Salaam Likh Bheja.
Mulk Ka Haal Tamaam Likh Bheja.

Maine Pocha Tum Saddar Kaise Bannay?
Us Ne Zoja Ka Qat-e-Aam Likh Bheja.

Maine Pocha Sab Se Zada Loota Kis Ko?
Us Ne Bakista Ka Naam Likh Bheja.

Maine Pocha Kyun Chamaktay Hain Har Waqt Daant Tere?
Us Ne Colgate Subah Shaam Likh Bheja.

Maine Pocha Kay Hukumat Kab Choro Gay?
Us Ne Qayamat Ki Shaam Likh Bheja.

Maine Pocha Is Dafa Zakaat Kis Ko Dun?
Beghairat Ne Apna Hi Naam Likh Bheja.

 

Lagta Nahi Hai Dil Mera Ab Kisi Sawaal Mein
Kis Ki Bani Hai Is Examination Hall Mein

Waqt-e-Daraaz Maang Kay Laye Thay 3 Ghantay
1 Short Question Mein Katt Gaya, 2 Lengthy SawaaL Mein

Controller Se Gila Na Examiner Se Shikwa
Qismat Mein Suppli Likhi Thi Bas Isi Saal Mein

In Formulon Se Keh Do Kahin Aur Ja Basein
Itni Jagah Kahan Hai Dimag-e-Kharaab Mein

Kitna Hai Bad-Naseeb Student Naqal Kay Liye
Do Kaghaz Kay Tukray Na Milay Pooray Hall Mein

 

Tumse Mila Main Kal To, Mere Dil Mein Hua Ek Sound
Lekin Aaj Tum Mili To Kehti Ho: Your file not found!

Ab Aur Kaho Na Tum, “But” Ya “If”
Tum Ho Meri Zindagi Ki Animated .gif

Aisa Bhi Nahi Hai K, I Don’t Like Your Face
Par Dil K Computer Mein Nahin Hai Enough Disk Space

Ghar Se Nikalti Ho Tum Jab Pehen K Evening Gown
Too Many Requests Se Ho Jaata Hai Server Down

Tumhaare Liye Pyaar Ki Application Create Main Karonga
Tum Usay Debug Karna Wait Main Karonga

Tumhaara Intezaar Karte Karte Main So Gaya
Yeh Dekho Mera Connection Time Out Ho Gaya

Kya Chaal Hai Tumhaari Jaise Chalti Hai Koi Cat
What Is Your ICQ Number Aao Karein Chat

 

Jo Sadiyon Se Hota Aaya Hai
Woh Repeat Kar Doonga…
Tu Na Mili To Tujhko Dil Se

Ctrl+Alt+delete Kar Doonga…

Company Ki Ladkiyaan Sunder Hain
Aur Lonely Hain…
Problem Ye Hai K Bas Woh

READ-ONLY Hain…

Shayad Mere Pyar Ko Taste
Karna Bhool Gaye…
Dil Se Aisa CUT Kiya

K PASTE Karna Bhool Gaye…

Tumhare Saamne Hain Itne Items
Kabhi Hamein Bhi Pick Karo…
Hamare Pyar K ICON Pe

Kabhi To Tum DOUBLE-CLICK Karo…

Roz Subha Hum Karte Hain
Itne Pyar Se Unhe Good Morning…
Woh Humhe Ghoor Kar Dekhte Hain

Jaise 0 ERRORS But 5 WARNINGS…

Ho Gayi Ghalti Humse, Click Hogaya Mouse
Duniya Ki Parwaah Choro, Ban Jao Meri Spouse

 

Gham-e-Zindagi Kise Sunaon Mera Bakra Katt Gaya Hai
Mein Khushi Kahan Se Laaon Mera Bakra Katt Gaya Hai

Tumhain Ye Gila Hai K Mizaaj Kyun Hain Barham
Kaho Kaise Muskuraon Mera Bakra Katt Gaya Hai

Bachpan Mein Kaise Usko Khilata Tha Chaara Har Din
Mujhe Yaad Mat Dilao Mera Bakra Katt Gaya Hai

Tumhen Eid Ki Khushi Hai Mujhe Yaad Hai Wo Lekin
Mein Ye Kaise Bhool Jaaon Mera Bakra Katt Gaya Hai 🙁

 

Be-Khuwaab Zindagi Ka Paristar Kon Tha???
Itni Udaas Raat Mein Be-Daar Kon Tha???

Kis Ko Ye Fiqar Thi K Mohabbat Mein Kya Hua???
Hum Is Pe Lar Rahe Thay Wafadaar Kon Tha???

100 Kashtiyaan Jala K Chalay Sahilon Se Hum..
Ab Tumko Kya Batayen K Us Paar Kon Tha???

Ye Faisla To Waqt Bhi Shayad Na Kar Sakay!
Sach Kon Bolta Tha Adakaar Kon Tha???

Arsa Guzar Gaya Hai Yehi Sochte Huay..
Pepsi 65 Ki Karna Wala Kalakaar Kon Tha???

Shukria Itne Ghor Se Parhnay Ka..

Leave a Reply

This site uses Akismet to reduce spam. Learn how your comment data is processed.