Mere Dil Mein Hai Yaad E Muhammad ﷺ Lyrics

 

 

Qawwal: Sabri Brothers

Shayar: Sikandar Lukhnawi

 

 

 

Na Zar Achha, Na is Duniya ke Ye Zardaar Achhe haiñ

Bahaare JañFiza Achhi, Na Ye Gulzaar Achhe haiñ

Nabi ki Aal aur Ashaab, Chaaroñ Yaar Achhe haiñ

Khuda Achha hai, Uske Ahmad-e-Mukhtar Achhe haiñ

 

Mere Dil Mein Hai Yaad E Muhammad ﷺ
Mere Dil Mein Hai Yaad E Muhammad ﷺ

Mere Hothoñ Pe Zikr e Madina

Tajdaar-E-Haram Ke Karam Se

Aagaya Zindagi Ka Qareena

Maiñ Ghulaam-E-Ghulaamaan-E-Ahmad

Maiñ Sag-E-Aastaan-E-Muhammadﷺ

Qaabil-E-Fakhar Hai Maut Meri

Qaabal-E-Rashk Hai Mera Jeena

 

Unki Chasm-e-Karam ki Ata hai

Mere Seene meiñ unki Ziya hai

Yaad-e-Sultan-e-Taiba ke Sadqe

Mera Seena hai misl-e-Nagina

 

Har Khataa Par Meri Chashm-Poshi

Har Talab Pe Ataaoñ Ki Baarish

 

Ye Maana ae Falak Sab Band haiñ Rahat ke Darwaze

Kushada Haiñ Rasoolallah ki Rahmat ke Darwaze

 

Har Khataa Par Meri Chashm-Poshi

Har Talab Pe A’taaoñ Ki Baarish

Mujh Gunahgaar Par Kis Qadar Haiñ

Mehrbaañ Tajdaar-E-Madina

 

Mujh Ko Toofaañ Ki Maujoñ Ka Kyaa Dar

Wo Guzar JaayeGaa Rukh Badal Kar

Hairaañ Hooñ! Lab se Naam, Ye Kiska Nikal Gaya

Kashti ko Meri Thaam ke, Toofaañ Sambhal Gaya

 

Mujh Ko Toofaañ Ki Maujoñ Ka Kyaa Gham

Wo Guzar JaayeGaa Rukh Badal Kar

Na Khuda Haiñ Mere Jab Muhammadﷺ

Kese DoobeGaa Mera Safeena

 

Dil Shakistañ Hai Mera To Kya Gham

Is Meiñ Rahte Haiñ Shah-E-Do-Aalam

 

Ae Jannat! Tujh Meiñ Hoor-o-Qusoor Rahte Haiñ

Ae Jannat! Maine Maana Zuroor Rahte Haiñ

 

Mere Dil ka Tawaaf kar Jannat

Kyuñ ke,

Is Meiñ Rahte Haiñ Shah-E-Do-Aalam

 

Dil Shakistañ Hai Mera To Kya Gham

Is Meiñ Rahte Haiñ Shah-E-Do-Aalam

Jab Se Mehmaañ Hue Haiñ Wo Dil ke

Dil Mera Ban Gayaa Hai Madina

 

Daulat-e-Ishq Se Dil Ghani hai

Meri Qismat hai Rashk-e-Sikandar

Mid-hat-e-Mustufa ki Ba-Daulat

Mil Gaya Hai Mujhe ye Khazeena

 

Mere Dil Meiñ Hai Yaad e Muhammad ﷺ

Mere Hothoñ Pe Zikr e Madina

——————

Also it is, Mere Dil Mein Hai Yaade Mohammad Khursheed Ahmad Naat Lyrics

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.