Nabiyon Mein Sabse Afzal Rutba Mere Nabi Ka Lyrics

 

Zubañ jab zikr-e-sana-e-Rasool karti hai
Sukhan ki daad Khuda se wusool karti hai,
Ilaaj ho na saka jiska sari duniya meiñ
Ilaaj uska Madine ki dhool karti hai.

 

Nabiyon Mein Sabse Afzal Rutba Mere Nabi Ka

Nabiyon Mein Sabse Afzal Rutba Mere Nabi Ka
Qur’aan Hai Mukammal Chehra Mere Nabi Ka.

 

Utra Nahiñ Zameeñ Par Saaya Mere Nabi ka
Allah Ka Hai Jalwa, Jalwa Mere Nabi Ka

 

Allah Ki Qasam Wo Taqdeer Ke Dhani hain
Jo Log Dekh Aaye Rouza Mere Nabi Ka.

 

Sarkar e Do Jahañ Ka Ye Khaas Mojiza Hai
Kankar Bhi Pad Rahe Haiñ Kalma Mere Nabi Ka.

 

Ho Jayeiñ Lakh Paida Islaam Ke Mukhaalif
Chalta Rahega Yuñ Hi Sikka Mere Nabi Ka.

 

Nabiyoñ Meiñ Sab Se Afzal..
Nabiyoñ Meiñ Sab Se Afzal..

 

hañ-hañ kami karo na salaam o salaat meiñ
Wo khoobiyañ hain sarwar-e-aalam ki zaat meiñ
Quraan utra Pyare Nabi ki Sifaat meiñ
Haq ne na dekha Aapsa jab kaayenat meiñ
Sari Khudayi de di Muhammad ﷺ ke haath Meiñ

Nabiyoñ Meiñ SabSe Afzal..
Nabiyoñ Meiñ SabSe Afzal..

 

Wafa laaye haiñ, ulfat laaye haiñ, eemaan laaye haiñ
Qayamat meiñ jo kaam aayega wo saamaan laaye haiñ
Muhammad Mustafa ﷺ Allah ka farmaan laaye haiñ
Gunahgaaroñ ki bakhshish ke liye Qur’aan laaye haiñ

Nabiyoñ Meiñ Sab Se Afzal..
Nabiyoñ Meiñ Sab Se Afzal..

 

Sar-e-mehshar bashar to kya farishte kaañp jaayeñge
Hujoom-e-anbiya tak ko paseene chhot jayeñge
Shab-e-meraj ka Sadqa aseeroñ ko dilayeñge
Muhammad ﷺ hashr ke maidaañ Meiñ rahmat ban ke chhayeñge

Nabiyoñ Meiñ Sab Se Afzal..
Nabiyoñ Meiñ Sab Se Afzal..

 

Phaili to itr-daan se Khushboo nahi gayi
Aaqa ki is jahaan se khushbu nahi gayi
Meraj ke safar ko zamane guzar gaye
Ab tak bhi Aasmañ se khushbu nahi gayi.

Nabiyoñ Meiñ Sab Se Afzal..
Nabiyoñ Meiñ Sab Se Afzal..
Nabiyoñ Meiñ Sab Se Afzal..

 

 

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.