Aa Gaya Mahe Aza Lyrics
Yeh Madar e Hasnain ki maqsoos ataa hai
Shabbir ka matam Humme kismat se mila hai
Aagaya Mahe aza ashk bahao logo’n
Ispe pehra nahi aansoo na chhupao logo’n
Fatema Ayin hein Jannat se Muharram Kerne
Karbala walo ka mazloomo ka matam kerne
Haat matam ke liye jald uthao logo’n
Waqt Aya Hai Jo Ek Roz Chala Jayega
Gar Kami Reh Gayi Dil Chain Nahi Payega
Apni Ankho Ko Samandar Se Milao Logo’n
Ye Waba aur Ye Maraz Kuch Bhi Na Kar Payenge
Ye Kaha Matam E Shabbir Se Takrayenge
Karke Matam Inhen Oqaat Me Lao Logo’n
Ankhe dikh laake karo maut ke aage matam
Leke badhte raho Abbas e Jari ka parcham
Ham Hussaini hein ye duniya ko batao logo’n
Yeh aqeeda hai zaroor ayenge Ghazi Abbas
Raasta phir hame dikhlayenge Ghazi Abbas
Waasta deke sakina ka bulao logo’n
Pani Abbas Sakina ke liye la na sake
Shane katwa ke bhi mashkeeze ko pohchana sake
Naam par unke sabeelo ko sajao logo’n
Yeh Muharram jinhe is saal mayassar na hua
Jin Azadaro se mazloomo ka ye gham chuta
Unke hisse ka bhi kuch farz nibhao logo’n
Karbala deti ‘Waiz’ ye sadayen aksar
Gar tumhe gher le duniya ki balaye aakar
Karbala walo ko awaz lagao logo.