ab bula lijiye na madina lyrics
Ab bula lijiye na Madina
Aa raha hai ye hajj ka Mahina
Dil Mera toot jaae kahin na
Al-Madad Taajdare Madina
Mujhko Aaqa Madine bulalo
Hasratein Dil ki saari nikalo
Ghaus-e-Aazam ka sadqa nibhalo
Ab to kehdo Mujhe chal Madina
Aansuon ki ladi ban gayi ho
Aur aanhon se phat’ta ho sina
Wirde lab ho Madina Madina
Jab chale Soo-e-Tayba Safina
Aansuon ki jhadi lag gayi hai
Yaad Aaqa ki tadpa rahi hai
Ispe deewanagi chha gayi hai
Yaad aaya hai isko Madina
Dil se ulfat jahan ki nikalo
Is tabahi se Maula bacha lo
Mujhko deewana Apna banalo
Mera seena bana do Madina
Jab Madine mein ho apni aamad
Jab mein dekhun Tera Sabz gumbad
Hichkiyan bandh kar ro-uun behad
Kaash aa jaye aesa Karina
Hai Tamanna-e-Attar Ya Rabb
Unke jalwon mein yun Maut aaye
Jhum kar jab gire Mera lasha
Tham lein badh ke shahe Madina
Ab Bula Lijiye Na Madina