Chaman Ke Mast Nazaare Salam Kehte Hain Lyrics

Chaman Ke Mast Nazaare Salam Kehte Hain Lyrics

 

 

Chaman Ke Mast Nazaare Salam Kehte Hain

Falak Ke Chand Sitaare Salaam Kehte Hain

Tumhari Zaate Giraami Se Jo Mile Hum Ko

Wahi Haseen Sahaare Salaam Kehte Hain

Zara Idhar Bhi Nigaahe Karam Ki Ek Jumbish

Ke Tum Ko Dard Ke Maare Salaam Kehte Hain

Zahe Naseeb Madina Bhi Aaj Peshe Nazar

Nigaah Wa Qalb Humare Salaam Kehte Hain

Kabhi Zabaan Pe Salle ‘Ala Ke Nagme Hain

Kabhi Khamosh Ishaare Salaam Kehte Hain

Tumhare Chaand Se Rukh Ki Hai Jot Aalam Mein

Seher Mein Noor Ke Dhaare Salaam Kehte Hain

Tumhara Zikr Hua Kainaat Wajd Mein Hai

Jo Hain Ghulaam Tumhare Salaam Kehte Hain

Baras Rahi Hai Ghataaon Ki Shakl Mein Rehmat

Jinaa(n) Badosh Nazaare Salaam Kehte Hain

Ataa Ho Dil Ki Sadaa Ko Qubooliyat Ka Sharaf

Adab Se Aankh Ke Taare Salam Kehte Hain

Khuda Ne Tum Ko Banaya Hai Maalike Kaunain

Jahaan Ke Raaj Dulhare Salam Kehte Hain

Zahe Naseeb Ke Taiba Ke Reh Guzaaron Ko

Hum Aise Dard Ke Maare Salam Kehte Hain

Naseem Khake Dare Mustafa Ko Kya Kahiye

Ke Isko Chaand Sitaare Salaam Kehte Hain

 

Leave a Comment

Your email address will not be published.

This site uses Akismet to reduce spam. Learn how your comment data is processed.