Hazrat Allama Al-Haj Ash-Shah Syed Turabul Haq Sahab Rahmatullah Alaih | Syed Turabul Haq Biography

by

Alqaab Aur Ibtidaai Ta’aruf

  • Alqaab: Mujaahid e Ahle Sunnat, Shehanshaah-e-Khitaabat.

  • Wilaadat: Aap ki wilaadat 27 Ramazaan 1363 Hijri (15 September 1944 A.D.) ke roz Hyderabad me hui.

  • Waalidain: Aap ke waalid ka naam Sayyed Hasanain Qaadri Jilani aur waalida ka naam Akbar-un-Nisaa Beagum hai.

  • Nasab: Aap Hasani Saadaat hain. Aur Hazrat Ghauṡe aazaam Shaikh Sayyed Abdul Qaadir Jilani radiy-Allāhu ta’ala anhu ki nasl se hain.

Taleem Aur Hijrat

  • Ibtidaai Ta’aleem: Aap ne ibtidaai ta’aleem Madrasa Tahtaaniyah, Hyderabad me haasil ki.

  • Hijrat-e-Pakistan: Taqseem-e-Mulk ke baad 1370 Hijri (1951 A.D.) me Aap ka pariwaar Pakistan aa gaya. P.I.B. Colony, Karachi me qayaam ke dauraan Faize Aam High School me ta’aleem haasil ki.

  • Deeni Ta’aleem: Phir Hazrat Allama Qaari Muhammad Muslih-ud-deen Siddeeqi rahmatullāhi alaihi se ta’aleem haasil ki. Is ke baad Aap ne Daar-ul-Uloom Amjadia, Karachi me ta’aleem haasil ki.

Tadreesi Aur Milli Khidmaat

  • Daar-ul-Uloom Amjadia: Ta’aleem mukammal hone ke baad Aap Daar-ul-Uloom Amjadia, Karachi ke Mudaaris aur baad me Sadr bane. Daar-ul-Uloom Amjadia, Karachi ke har jalse me Aap Khitaab farmaate.

  • Aham Uhde Aur Zimmedariyan:

    • Aap Jama’ate Ahle Sunnat, Karachi ke Ameer aur Jama’ate Ahle Sunnat World ke Naazim the.

    • Aap Jamiat Ulama-e-Pakistan me shaamil hue.

    • Aap Tehreek-e-Khatme Nabuwwat aur Tehreek-e-Nizaam-e-Mustafa me bhi shareek hokar pur zor kiradaar ada kiya.

    • Aap Markazi Ruyat-e-Hilaal committee ke Chairman bhi rahe.

  • Siyasat: Aap chunaav jitkar 1405 se 1408 Hijri (1985 to 1988 A.D.) tak Qaumi Assembly, Pakistan ke member rahe.

Deegar Idaron Ki Sar-parasti Aur Khidmat

  • Chairman: Aap Madrasa Anwaar-ul-Qur’an Qaadriya Razawiya, Jaamia Anwaar-ul-Qur’an Qaadriya Razawiya, Gulshane Iqbaal, Muslih-ud-deen Welfare Society, Al-Musallam Welfare Society ke Chairman the.

  • Rukn Wa Naazim: Daar-ul-Uloom Amjadia ke Naazim-e-Ta’aleemaat (Trustee) the aur Sunni Tehreek Ulama Board, Sunni Raahbar Council, Sunni Ittehaad Council ke Rukn the.

  • Sar-parast: Aur Daar-ul-Uloom Musli-ud-deen, Tehreek-e-Awaam e Ahle Sunnat, Tehreek-e-Ittehaad-e-Ahle Sunnat, Jamiat-e-Isha’at-e-Ahle Sunnat, Bazme Raza, Anjuman-e Isha’at-e-Islaam ke Sar-parast the.

Aalami Safar Aur Bareilly Shareef Ki Haaziri

  • Aalami Safar: Aap ne isha’at wa tabligh e deen ke liye Asia, Arab, Europe, America, aur Africa ke kai mulko ka safar kiya. Aap ne apni Taqreer, tasannif aur Fataawa ke zariye Ahle Sunnat wal Jama’at ki azeem khidmat ki hai.

  • Bareilly Shareef Ka Safar: 1388 Hijri (1968 A.D.) me Aap Bareilly tashreef laaye to Huzoor Mufti e aazam e Hind Mustafa Raza Khan Bareilwi rahmatullāhi alaihi ne Aap ko Masjid-e- Raza me imaamat ka sharf ata farmaaya.

Tasannif (Kitaaben)

Aap ki likhi hui mash’hoor kitaaben darj zail hain:

  1. Tafseer-e- Soorah-al-Faatiha

  2. Tafseer Soorah Wa-Duha taa Soorah an-Naas

  3. Anwaar-ul-Qur’ān

  4. Zia-ul-Hadeeṡ

  5. Jamaal-e-Mustafa (sallallāhu alaihi wa sallam)

  6. Fazaa’il-e-Sahaaba wa Ahle Bait

  7. Shahaadat-e-Imaam Husain (radiy-Allāhu ta’ala anhu)

  8. Imaame Aazam Abu Haneefa

  9. Kitaab-us-Salaat

  10. Masnoon Duaen

  11. Tasawwuf aur Tareeqat

  12. Islaami Aqaa’id

  13. Jannati log kaun?

  14. Mazaaraat-e-Auliya aur Tawassul

  15. Falaah-e-Daarain

  16. Rasoole Khuda (sallallāhu alaihi wa sallam) ki Namaaz

  17. Muballigh banaane waali Kitaab

  18. Deeni Ta’aleem

  19. Khawaatin aur Deeni masaa’il

  20. Mubaarat Raaten

  21. Fazaa’il-e-Sha’abaan-ul-moazzam

Pariwaar Aur Khandaan

  • Nikaah: 1386 Hijri (1966 A.D.) me Aap ka nikaah Akhtar binte Hazrat Allama Qaari Muhammad Muslih-ud-deen Siddeeqi ke saath hua.

  • Aulad: Aap ke 3 saahabzaade aur 6 saahabzaadiya hain.

  • Saahabzaade: (1) Siraaj-ul-Haq, (2) Abdul Haq, (3) Fareed-ul-Haq.

Ba’et, Khilaafat Aur Khulfa

  • Peer-o-Murshid: Aap Hazrat Mufti e aazam e Hind Mustafa Raza Khan Bareilwi rahmatullāhi alaihi ke mureed aur khalifa hain.

  • Deegar Khilaafatein: Hazrat Allama Qaari Muhammad Muslih-ud-deen Siddeeqi rahmatullāhi alaihi aur Hazrat Maulana Faazil-ur-Rahmān bin Zia-ud-deen Madani ne bhi Aap ko khilaafat ata farmai hai.

  • Aap ke Khalifa: Hazrat Allama Sayyed Shaah Abdul Haq Qaadri.

Wisaal, Namaaz-e-Janaaza Aur Mazaar-e-Aqdas

  • Wisaal: Aap ka wisaal beemaari ke sabab 4 Moharram 1438 Hijri (6 October 2016 A.D.) ko Jumeraat ke roz hua.

  • Namaaz-e-Janaaza: Aap ki namaaze janaaza Memon Masjid me namaaze Jum’aa ke baad padhai gai. Aap ki namaaze janaaza aap ke saahabzaade Hazrat Allama Sayyed Shaah Abdul Haq Qaadri ne padhai.

  • Mazaar: Aap ka mazaar Jodia Bazar Kharadar, Karachi (Pakistan) me hai.

Dua: ALLĀH ta’ala us ke Habeeb sallallāhu alaihi wa sallam ke sadqe me aur Hazrat Allama Mufti Sayyed Shaah Turaab-ul-Haq Qaadri Razawi rahmatullāhi alaihi aur tamaam Auliya Allāh aur Ahle bait ke waseele se Sab ko mukammal ishqe Rasool ata farmae aur Sab ke Eimaan ki hifaazat farmae aur Sab ko nek amal karne ki taufiq ata farmae. Aur Sab ko dunya wa aakhirat me kaamyaabi ata farmae aur Sab ki nek jaa’iz muraado ko puri farmae. Aameen.

Leave a Comment