jaan ki deewaar gira de to maza aa jaae lyrics

 

jaa.n ki deewaar gira de to maza aa jaae
maut aaqa se mila de to maza aa jaae

jaa.n ki deewaar gira de to maza aa jaae

neend aa jaae mujhe pa.Dhte hue un pe durood
aur KHuda un se mila de to maza aa jaae

jaa.n ki deewaar gira de to maza aa jaae

un ki dahleez pe jis waqt pa.De meri nazar
‘ishq deewaana bana de to maza aa jaae

jaa.n ki deewaar gira de to maza aa jaae

apne mahboob ke talwo.n ka mujhe bhi dhowan
ek-do boond pila de to maza aa jaae

jaa.n ki deewaar gira de to maza aa jaae

un ke naa’lain kahaa.n aur kahaa.n sar mera
phir bhi taufeeq KHuda de to maza aa jaae

jaa.n ki deewaar gira de to maza aa jaae

shahar-e-sarkaar se laa kar ke koi ajwa khajoor
sirf iftaar kara de to maza aa jaae

jaa.n ki deewaar gira de to maza aa jaae

chho.D dete ho.n jise khaa ke madine ke faqeer
koi wo jooTha khila de to maza aa jaae

jaa.n ki deewaar gira de to maza aa jaae

aur kuchh din tere mahboob ka rauza dekhu.n
ai KHuda ! umr ba.Dha de to maza aa jaae

jaa.n ki deewaar gira de to maza aa jaae

ab to, Jaaved ! madine me.n miloo.ngi tujh se
ye KHabar maut suna de to maza aa jaae

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.