Main Jaun To Pe Wari Ho Madine Ke Raja lyrics

 

 

Jab hue paida Mohammad Mustafa ﷺ
Goud me lekar Halima ne kaha

 

Main Jaun To Pe Wari Ho, Ho Madine Raja
Main Jaun To Pe Wari Ho, Ho Madine Raja

 

Momino baith jaao adab se zara
Ye nabi ki wiladat ka hai maajra

Peer ki sub’ha ka tha suhana sama
Jab ke paida hue sarware do jahañ

Maañ ki aaghosh me muskurate hue
Rahmatoñ ka khazana lutate hue.

Ye ada, woh ada thi jise dekh kar
Mutmayin ho gayi aashiqon ki nazar.

Koi zulfon ki tarif karne laga
Koi aankhoñ ki tarif karne laga.

Koi bola ke khairul wara hain yahi
Koi bola ke mushkil kusha haiñ yehi.

Koi bola yahi to hain Shaah e Arab
Koi bola inhi par to marte hain sab.

Sun ke ye guftgu Hañs padeeñ Aamina
Aur Muhammad ﷺ ka muñh choom kar ye kaha

 

Main Jaauñ To Pe Wari Ho, Ho Madine Raja
Main Jaauñ To Pe Wari Ho, Ho Madine Raja

 

Tore roop anoop ne salle ala
Sab chheen liyo sudh budh hamri
Dil mohe gayi man har lini
Tori nain bhari kajri kajri

 

Main Jaoñ To Pe Wari Ho, Ho Madine Raja
Main Jaoñ To Pe Wari Ho, Ho Madine Raja

 

Ay manmohan, taiba dhani
Kausan ke rajishbari,

Chandar mukat Suraj baran
Nirkar Jyoti man hari,

Mukhde ko tere dekh kar
Maalik ne yuñ aasha Kari.

Ai chehra e zaiba e to
Rashq e butaan e Aazari.

 

Jibril se farmate the
ik roz yuñ shahe umam,
Tumne to dekha hai jahañ
batlao to kaise haiñ hum,

Jibreel ne yun arz ki
ay shah tere rukh ki qasam.

Aafaaq ha gardeedaam
Mehr-e butaañ warzeeda am
Bis yaar khoobañ deeda am
lekin tou cheeze deegari

 

Main Jaoñ To Pe Wari Ho, Ho Madine Raja
Main Jaoñ To Pe Wari Ho, Ho Madine Raja

 

Zamana muntazir tha jiska ab woh Noor aaya hai
Khuda ka dost khatmul mursaleeñ tashrif Laya hai.

 

Main Jaoñ To Pe Wari Ho, Ho Madine Raja
Main Jaoñ To Pe Wari Ho, Ho Madine Raja

 

Dil ne, Aañkhoñ ne, nigahoñ ne, nazaroñ ne kaha
Gul ke zaaroñ ne kaha, Mast baharoñ ne kaha
Bait Tanzeel mein, taurait ke paaroñ ne kaha
Gham naseeboñ ne kaha, Dard ke maaroñ ne kaha
Yak jagah hoke ye Wallah! hazaroñ ne kaha.

 

Main Jaoñ To Pe Wari Ho, Ho Madine Raja
Main Jaoñ To Pe Wari Ho, Ho Madine Raja

 

Zameeñ boli Muhammad ﷺ rahmatullil alami honge
Falak bola Rasool e Paak khatmul mursaleeñ honge

Malayik ne kaha Ahmad shafiul muznabi honge
Kaha hooron ne inke baad paighambar nahi honge.

 

Main Jaoñ Tu Pe Wari Ho, Ho Madine Raja
Main Jaoñ Tu Pe Wari Ho, Ho Madine Raja

 

Har zarra chamak uttha jidhar aaye Muhammad ﷺ
Mushkil ki meri sun ke khabar aaye Muhammad ﷺ
Har aankh ki putli me utar aaye Muhammad ﷺ
Kal shab ko tasawwur me utar aaye Muhammad ﷺ
Qismat ko jagane mere ghar aaye Muhammad ﷺ.

 

Sarkar e madina pe luta bitha hooñ tan man
Jachta nahi hai aankhon mein duniya ka ye gulshan
Aañkheñ bhi meri, dil bhi mera ho gaya raushan
Aañkhoñ se mere dil me utar aaye Muhammad ﷺ
Daaman nahin chhodunga agar aaye Muhammad ﷺ.

 

Main Jaoñ Tu Pe Wari Ho, Ho Madine Raja
Main Jaoñ Tu Pe Wari Ho, Ho Madine Raja

 

Yaad tehaari pal pal aaye
Bekal manva chain na aaye

Yasrab ko chhaila saañwro
mainu pyaro laage ji
Tero Naam Muhammad Mustafa
manu pyaro laage ji.

 

Main Jaoñ Tu Pe Wari Ho, Ho Madine Raja
Main Jaoñ Tu Pe Wari Ho, Ho Madine Raja

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.