Mera Rab Sun Leta Hai Lyrics

Mera Rab Sun Leta Hai Lyrics

 

 

Mera Rab Sun Leta Hai Lyrics

Mujhe Kis Baat Ka Gham Hai

Jo Mere Saath Hai Allah

Karam Kya Mujhpe Ye Kam Hai

Ke Mere Saath Hai Allah

 

Main Jab Bhi Girne Lagta Huñ

Woh Mujhko Thaam Leta Hai

Kabhi Bebas Jo Ho Jaun

To Fauran Bhaañp Leta Hai

 

Mere Har Aml Har Qaul

Har Ik Raaz Se Waqif

Meri Shahrag Meri Rag Rag

Mere Andaz Se Waqif

 

Mujhe Kis Baat Ka Gham Hai

Jo Mere Saath Hai Allah

Karam Kya Mujhpe Ye Kam Hai

Ke Mere Saath Hai Allah

 

Tum Aarzu Ke Diye Jalakar

Khuda Se Achhi Ummid Rakhna

Khizañ Ke Mausam Ki Rukhsati Par

Bahar-e-Gul Ki Naveed Rakhna

 

Wo Tera Rab Hai Wo Tera Maula

Usi Se Achhi Ummid Rakhna

Usi Se Karna Tum Dil Ki Baatein

Usi Se Raaz-o-Niyaz Karna

 

Siyah Tareek Raatoñ Me

Mujhe Rasta Dikhata Hai

Ke Uska Hi Sahara To

Meri Himmat Badhata Hai

 

Khud Uski Raah Par Nikluñ

To Mujhko Aazmata Hai

Mere Is Aml Par Jannat Ki

Khushkhabri Sunata Hai

 

Mujhe Kis Baat Ka Gham Hai

Jo Mere Saath Hai Allah

Karam Kya Mujhpe Ye Kam Hai

Ke Mere Saath Hai Allah

 

Zara Sa Jo Pukaruñ To

Meri Aawaz Sunta Hai

Mera Allah Mere Har Dukh Ka Hi

Hamraaz Banta Hai

 

Zara Sa Ashk Ke Badle

Mujhe Jo Muaf Karta Hai

Mere Daman Ke Sare Hi

Gunah Jo Saaf Karta Hai

 

Mujhe Kis Baat Ka Gham Hai

Jo Mere Saath Hai Allah

Karam Kya Mujhpe Ye Kam Hai

Ke Mere Saath Hai Allah

 

Mera Jeena Mera Marna

Mere Maula Teri Khatir

Ke Teri Hi Ita’at Par

Ye Meri Jaan Bhi Haazir

 

Raza Teri Jo Hai Haasil

To Phir Sab Kuchh Hi Hai Haasil

Wa-Garna Phir Ye Qadmoñ Ki

Musafat Bhi Hai La-Hasil

 

Mujhe Kis Baat Ka Gham Hai

Jo Mere Saath Hai Allah

Karam Kya Mujhpe Ye Kam Hai

Ke Mere Saath Hai Allah

 

Zamane Ke Hawatis Se

Mujhe Tu Phir Bacha Lena

Tera Kamzor Banda Hun

Tu Rahmat Me Chhupa Lena

 

Meri Sari Khataoñ Ko

Mere Maula Mita Dena

Wahañ Jannat Ke Baaghoñ Ka

Mujhe Waris Bana Dena

 

Mujhe Kis Baat Ka Gham Hai

Jo Mere Saath Hai Allah

Karam Kya Mujhpe Ye Kam Hai

Ke Mere Saath Hai Allah

 

Recited by: Atiq Ur Rahman

Leave a Reply

This site uses Akismet to reduce spam. Learn how your comment data is processed.

%d bloggers like this: