na sawaal bann ke mila karo Lyrics

 

na sawaal bann ke mila karo
na jawaab bann ke mila karo
meri zindagi mere khwaab hain
mujhe khwaab bann ke mila karo

har shaam ko mere doston
na azaab bann ke mila karo
mujhe maikade mein milo agar
to sharaab bann ke mila karo

mujhe achhe log bahut mile
main toh unke karz se marr gaya
arre ho sake to kabhi kabhi
toh kharaab bann ke mila karo

abhi sochna hai toh soch lo
abhi chhorna hai to chhor do
naye mausamon mein milo mujhe
toh gulaab bann ke mila karo

na toh iss tarah se mila karo
na to uss tarah se mila karo
haan huzoor bann ke mila karo
haan janaab bann ke mila karo

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.