Poetry In Urdu | Heart Touching Poetry

 

******************************

Wo anna parast sahi us ki baton mein iqrar bhi tha.
Us k chubtay hue lehjay mein chupa pyar bhi tha.

Wo mujhy likhta ha k muntazir na raho lakin.
Us ki tahreer mein sadion ka intzaar bhi tha.

Wo kehta ha mat rutho k mananaa nahi aata.
Meri narazgi pe lakin wo bekarar bhi tha.

Main shayad phir na likhta usy apni khabar.
Dosti ka bharam rakhna tha kuch dil be_ikhtiar bhi tha.

Shayad yehi us ka anadaz-e-mohabat ho.
Wo mera hum dam bhi tha sitam shuaar bhi tha

**********************************************************

Mere Zakhmo Ko Aapka Dukhana Acha Laga,
Meri Halat Pe Aapka Muskurana Acha Laga,

Me To Talib Tha Aap k Pyar Ka,
Aapka Nafrat Se Nigahen Churana Acha Laga,

Laga K Aag Mere Aashyane Ko,
Phir Aapka Khushian Manana Acha Laga,

Dil Me Thi Hasrat Aap K Deedar Ki,
Saamne Aakar Chehra Chupana Acha Laga,

Dil K Mere Darwaze Pe Di Dastak,
Phir Khud Hi Aapka Pathar Barsana Acha Laga,

Bana Kar Mujhko Apna Dewana Phir,
Aap Ka Khud Hi Thokar Lagana Acha Laga . . .

**********************************************************

Mene Haq-e-Mohabat ada kiya,
Na kabi kisi se Gila kiya,

Mujhe ajab iska Sila mila,
Mujhe DIL se us ne bhula diya,

Muhabton ki Kitab ka,
Her ek varq jala diya,

Wo jo arzo ka Chiraagh tha,
Usay Nafraton ne bujha diya,

Mujhe Zakhm phir ek Naya diya,
Mujhe is MUHABAT ne kya diya?..

Wo jo kehta tha Khush Raho,
Wo jo kehta tha meri JAAN ho TUM,

Har Lamha Hansa karo,
Mujhey Aaj us ne Rula diya..

Mujhey aj us ne Bhula diya

**********************************************************

**********************************************************

Ghar se yeh soch k nikla hon k Mar jana hai
Ab koi Raah dikha de k kidhar jana hai

Jism se sath nibhane ki mat umeed rakho
Is musafir ko to Rastay mein theher jana hai

Mout lamhay ki sada Zindagi umron ki pukar
Mei yehi soch k zinda hon k Mar jana hai

Nasha aesa tha k Maikhanay ko duniya samjha
Hosh aaya to khayal aaya k ghar jana hai

Mere jazbay ki bari qadar hai logon mei magar
Mere jazbay ko mere sath he mar jana hai…….

**********************************************************

Tumharey Rah badalney ki baat kis sey karun
MAin apney KHaab bhikharney ki baat kis sey karun

Abhi woh jaan-e-Ghazal duor hai nighahoon sey
Abhi main Jaan sey Guzarney ki baatv kis sey karun

ABhi toh hijr ki tareekiyan hain dono tafar
Abhi main Chaand Nikalney ki baat kis sey karun ?

Abhi toh ghammoon sey Nidhaal hain sabhi
Abi main tery Bicharneyki baat kis sey karun ?

Meri Judaii ki ghaam mein koi bhi nehi suunta
Tumharey Baad sulaghney ki baat kis sey karun ?

Kisey baataun k tujhy kahaan kahaan nehi dhunda
Nagar nagar mein bhatakney ki baat kis sey karun ?

TEri talab mein yeh beichaain ab bhi rehta hai
Main apney dil k machalney ki baat kis sey karun??!!!!!

**********************************************************

Na koi khawab na koi saheli thi
us mohabbat mein main akeli thi

ishq main tum kahaan kay sachay the
jo aziyat thi woh hum ne jheeli thi

yaad ab kuch nahiin raha laiken
ik dariya tha ya haveli thi

jis nay uljha kay rakh diya dil ko
woh mohaabbat thi ya paheli thi

mein zara si bhi kam wafa karti
tum ne tu meri jan le li thi

waqt kay sanp kha gaaye usko
meray aangan main ik chanbeli thi

us shab-e-ghum main kis ko batlaon
kitni roshan meri hatheli thi

**********************************************************

Tere Siva

Nahin Aur Kuch Bhi Tere Siva?!!!
Mere Dosti
Meri Zindagi
Meri Khamoshi
Meri Be-Basi
Mera Alam Bhi
Mera Naam Bhi
K Meri Subah
K Mere Sham Bhi
Wo Sabhi Kuch Tujhe Atta Kare
Mere Jaan To Yaqeen To Kar
Mujhe Mangana Tuna Aa Saka
Main Ne Phir Bhi Mangi Yehi Dua
K Gawahi De Ga Mera Khuda
Maine Jub Bhi Us Se Talab Kiya
Nahi Manga Kuch Bhi

Tere Siva .. Tere Siva !!

**********************************************************

Aye Dost Tu Itna Badkalam Na Ho
Ki Kabhi Karib Se Gujrae To Dua-Salam Na Ho

Dil Mai Haazaar Gila Shikva Ho Magar Yeh Nahi Mumkin
Tum Aao Mere Ghar Mein Aur Ahitram Na Ho

Haazaar Dusmani Ho Tumse,Magar Khuda Karen
Dil Mein Kabhi Ahsaas-E Intekam Na Ho

**********************************************************

Bhulanay se jo bhuly na wo kahani chor jaoungi
teri ankhoon me pani ki aisy nami chor jaoungi

lipat kar dair tak dar-o-dewar roye gy
main aisi sog me lipti jwani chor jaoungi

mitao gy kahan thak tum meri batan meri yadan
main har ik mor per apni nishani chor jaoungi

mera ya lafz mujha mar kay bhi marna nahi dain gay
main chup ho kay bhi lehje ki rawani chor jaoun gi

kuch is tarhan se niklon gi is dunya ko thukra kar
main dushman kay bhi chehry par herani chor jaoungi …!!!

**********************************************************

?Kiun Rakhoon Main Apne Qalam Main Sayahi?!?
?Jab Koi Armaan Dil Main Machalta Hi Nahi?!?

?Na_Jane Kiun Sabhi Shak Karte Hain Mujh Par?!?
?Jab Sookha Gulab Meri Kitaabon Main Milta Hi Nahi?!?

?Kashish To Bohat Thi Mere Pyaar Main?!?
?Magar Kya Karoon Koi Pathar Dil Pighalta Hi Nahi.!

Agar Khuda Mile To Us Se Apna Pyaar Mangoon Ga.!
?Par Suna Hai Wo Marne Se Pehle Kisi Se Milta Nahi?

**********************************************************

Zindagi ka
sochta hoon na zamaney ka
sochta hoon,

Main to bas
usey apna
bananey ka
sochta hoon,

Us key rooth janey key andaz ki qasam,

Woh rooth jaey to mananey ka
sochta hoon,

Us ney na ki wafa to koi gila nahin,

Main us sey wafaen nibhaney ka sochta hoon,

Woh mujhe rulaey to koi baat nahin,

Main ro kar bhi usey hansaney ka sochta hn…!!!

**********************************************************

Log Mujh Se MiL Kr Bichar Jatey Han_

Is Liye Me Logon Se Door Rehta Hon_

Mat Samjho K Aatay Nhi Adab_E_MuLaqat Mujhey_

KhuLoos Ka Banda Hon Aadat Se Majboor Rehta Hon_

Jin Se Barha Mera Rabta Ghum Hi MiLa_

Ab Raabtay Nhi Barhata Boht Masroor Rehta Hon_

Log Mujhey Kehtay Han Be’Murawat Aur Khud Gharz_

Dekho Me Kitnay Achay Namon Se Mashoor Rehta Hon_

Hr Waqt Khoya Rehta Hon Khud Ki TaLash Me_

Boht Thak Gaya Hon Ghamon Se Choor Rehta Hon…!

**********************************************************

Most TOUCHING LINES
By A Boy Whoz Beloved Was Marrying Sum1 Else…

Aaj Dulhan K Laal Jode Me Use Uski Shaliyon Ne Sajaya Hoga
Meri Jaan K Gore Haathon Ko Mehndi Se Sajaya Hoga

Bahut Gehre Chadha Hoga Mehndi Ka Rang
Us Mehndi Me Usne Mera Naam Chhupaya Hoga

Rah Rah K Ro Padi Hogi,,,Jb Usko Mera Khayal Aaya Hoga
Khud Ko Dekha Hoga Jb Aaine Me To Akks Mera Bhi Nazar Aaya Hoga

Bahut Pyaari Lg Rahi Hogi Wo,,Aaj
Dekh Kr Usko Chand B Sharmaya Hoga

Aaj Meri Jaan Ne Apne Maa Baap Ki Izzat Ko Bachaya Hoga
Usne Beti Hone Ka Har Farz Nibhaya Hoga

Sochta Hu Kis Tarah Usne Khud Ko Samjhaya Hoga
Apne Hathon Se Hamare Khaton Ko Jalaya Hoga

Khud Ko Mazbut Banakar Meri Yado Ko Mitaya Hoga
Bhukhi Hogi Wo Jaanta Hu Main,,Mere Bina Usne Kuch Na Khaya Hoga..

**********************************************************

**********************************************************

Kuch Tm Ny Himat Hari Thi
Kuch Main Ny Dhooka Khaya Tha

Kuch Mery Thay Hallat Sanam
Kuch Teri Bhi Majboori Thi

Kuch Wakat B Apny Sath Na Tha
Kuch Dunia Waly Zalim Thay

Kuch Tu Ny Mujh Ko Doosh Dia
Kuch Main Bhi Himat Kr Leeta

Kuch Hum Dono Majboor Bhi Thy
Kuch Ik Doojy Sy Door Bhi Thy

**********************************************************

Tumse Pyaar Na Karma Meri
Majboori Hai
Apni Zindgi Mein Jagah Na Dena
Meri Majboori Hai

Khud Ko Apne Aapme Chuppakar
Rakhna Meri Majboori Hai

Ankhon Mein Ansooyon Ka Sailab Hai
Hoot.On Par Fir Bhi Muskarahat Lana
Meri Majboori Hai

Apni Tadap Tum Par Naa Khul Gaye.
Tumse Door Jana Meri Majboori Hai

Meri Inn Majbooriyon Ko Tum Par
Zahir Na Karma Bhi Meri Majboori Hai.

**********************************************************

Dekha palat k us ne k hasrat usay bi thi
Hum jis par mar mitey thay muhabat usay bi thi.!
Chup ho gaya tha dekh kar wo bi idher udher
Duniya se meri tarah shikayat usay bi thi
Ye soch kar andheray me galay se laga liya

Raaton ko jaagnay ki to aadat usay bi thi
Wo ro dia tha mujh ko pareshan dekh kar
Us din khul k meri zarorat usay bi thi
Un pathron k saath nibhaani pari usay
Jin se faqat mujhy nahi nafrat usay bi thi..?

**********************************************************

Mohabat ki kahani mein koi tarmeem mat karna,
Mujhy tum tor dena per mujhy taqseem mat karna,
Bohat hongey humare baad
dawa-e-mohabat karne wale !!

Yaad-e-wafa rakhna kisi ko tasleem mat karna,
Agar lafzon me nazar aye kabhi chehra mera !
Chopke se choo lena…
Choom lena…
toheen mat karna..

**********************************************************

“Mujhe wo lakh tarpaye magar us shaks ki khatir”
Mere dil k andheron me duain raks karti hain”

“Usay kehna k lot aaye sulgti shaam se pehlay”
“Kisi ki khushk ankhon me sadain raks karti hain”

“Khuda janay kesi kashish he uski yaadon me”
“Mein uska zikar cheron to hawain raks karti hain.

**********************************************************

Abi to main tmhre liye kuch nahi,
Ye din guzr jaen ge,
Ye musam Badal jaen ge,
Waqt to guzar hi jata hai,
Tmhra b mera B,
Lekin…
1 din kisi lamhe tmhe meri yaad aaye gi,
To Tum Be-ikhtiyar muskura do ge,
Log pochain ge kya howa,
Aur
Tum kaho ge,

koi tha jo hum ko boht chahta tha

**********************************************************

sitara hamari kismat ka us say mila hi nahi
wo kese hota hamara
aisa kabi hva hi nahi
hmne apni hr khushi dusron me bant di

ksi ne hme kya dya
ye kbi socha hi nhi

bato baton m mhbt is qadar brh gyi
use ab bhool jaen kese itna hosla hi nhi
hr ksi ne hume matlab tak pyar kya
koi hamsafar ban kar sath chala hi nhi
hr koi mri chahat ko mazaq smjta rha
dil m he dard ktna koi smja hi nhi

**********************************************************

Har Ek Chehrey Ko ZaKhmon Ka Aaina Na Kaho
Ye Zindagi Tou Hai Rahmat Isey Saza Na Kaho

Na Jaaney Kaun Si Majbooriyon Ka Qaidi Ho
Wo Saath Chorr Gaya Hai Tou Bevafa Na Kaho

Tamaam Shaher Ney Naizon Pey Kyun Uchaala Mujhey
Ye Ittefaaq Thaa Tum Is Ko Haadisaa Na Kaho

Ye Aur Baat Ke Dushman Huwa Hai Aaj Magar
Mera Dost Thaa Kal Tak,Usey Buraa Na Kaho

Humarey Haib Humein Ungliyon Pey Ginvaao
Humaari Peetth Ke peechey Humein Buraa Na Kaho

**********************************************************

ashk aankhon main chupatay huay thak jata hun

bojh pani ka uthatay huay thak jata hun

tm jo ik pal main uthatay ho chlay jatay ho

main wo dewaar giratay huay thak jata hun

paon rakhtay hain jo mujh pr unhain ehsas nahin

main nishanaat mitatay huay thak jata hun

barf esi k pighlti nahin pani bn kr

pyaas esi k bujhatay huay thak jata hun

achi lagti nahin is drja shanasai bhi

hath haton se milatay huay thak jata hun

ghamgusaari bhi ajab kar e mushaqqat ha k main

ronay walon ko hansatay huay thak jata hun

itni qabrain na bnao meray andr shahid

main charaghon ko jalatay huay thak jata hun

**********************************************************

dar pardah jafaon ko agar jaan gaye hum
tum yeh na samajhna k bura maan gaye hum

palkon pe laraztay huwe taray se yeh aansoo
aye husn e pashemaan tere qurbaan gaye hum

hum aur tere husn e tughaful se bigarte
jab tu na kaha maan gaye, maan gaye hum

badla hai magar bhais gham e ishq ka tu ne
bus aye gham e dauraan tujhe pehchaan gaye hum

hai saif bus itna hi to afsana e hasti
aaye thay pareshaan , pareshaan gaye hum

**********************************************************

**********************************************************

”YAADON” ko bhulane main kuch dair to lagti hai,
”ANKHON” ko sulany main kuch dair to lagti hai,
Kisi ”SHAKHS” ko bhula dena itna aasan nahi hota,
”DIL” ko samjhany main kuch dair to lagti hai,
Bhari ”MHAFIL” main jab koi achanak yaad aa jay,
Phir ”ASHAQ” chupany main kuch dair to lagti hai,
Jo shakhs ”JAAN” se b pyara ho achanak door ho jay,
Dil ko ”YAQEEN” dilany main kuch dair to lagti hai….!

**********************************************************

WO NAHI MERA MAGAR USSE MOHABAT HAI TO HAI
YEH AGAR RASMO RIVAZO SE BAGAWAT HAI TO HAI
SACH KO MAINE SACH KAHA JAB KEH DIYA TO KEH DIYA
AB ZAMANE KI NAZAR MEIN YE HIMAKAT HAI TO HAI.
DOST BAN KAR DUSHMANO SA VO SATATA HAI MUJHE
FIR BHI US ZAMLIM PE MARNA APNI FITRAT HAI TO HAI
KAB KAHA MAINE KE WO MIL JAYE MUJHKO USKI BAHON
MAY DUM NIKLAY ITNI HASRAT HAI TO HAI
SAATH HAI TO ZINDA HU,
MERI SAASO KO USKI ZAROORAT HAI TO HAI

**********************************************************

Saza pe chorr diya Jaza pe chorr diya
Her ik kaam hum ne KHUDA pe chorr diya

Wo hum ko yaad rakhta ya phir bhula daita
Ussi ka kaam tha uss ki raza pe chorr diya

Ab uss ki merzi bujha de ya phir jala rakhay
Charagh hum ne jala k hawa pe chorr diya

Ab uss se baat bhi kertay to kiss tarha kertay
Ye masla ANA ka tha ANA pe chorr diya

Issi liye to wo kehtay hain BE-WAFA hum ko
K hum ne sara zamana WAFA pe chorr diya

**********************************************************

Khat Mujhey Jab Bhi Likhna To Ro Kar Likhna
Aur Qalm Khoon-e-Tamana Mein Dabo Kar Likhna

Yoon Na Likhna Ke Parrha Jaaye Na Apna Bhi Likha
Sheesha-e-Dil Ko Zara Ashkon Say Dho Kar Likhna

Pyar Ke Zakhmon Ki Ekk Fasal To Main Kaat Chuka
Zakhm Do Chaar Naye Soch Mein Bo Kar Likhna

Kaisey Likho Gey Gar Mujh Say Muhabbat Na Huyi
Tum Khyalon Mein Mairi Jaan Maira Ho Kar Likhna

Faisla Tark-e-Taluq Ka Gar Tun Ne Kiya
Khat Kuch Waadon Ke Haathon Mein Chabho Kar Likhna

**********************************************************

Main kaisay shikwa karon wo nadan hai bohut,

udas kar k mujhe khud bhi paraishan hai bohut,

kehny ko wo mery kareeb hai bohat lekin,

faslay ab tak humaray darmiyan hain bohat,

wo naye zakhmo k nishan na dekh payeigy,

dil pay pichlay zakhmo k nishan hain bohat,

beach bhanwar say bhi nikal kar kia mila,

khamosh sahilo par tufan hain bohat,

main naa bhi chahoon to chali aati hai,

teri yadain mujh par meharban hain boht.

**********************************************************

Bohut Takleef Deta Hai Kisi Ko Al-Vida Kehna.

Dikhai Kuch Nahi Deta.. Sunai Kuch Nahi Deta.

Faqat Kuch Kap-Kapatey Lafz..
Jo Hoonton Per Theher Jayen..

Ubharti Doobti Dharkan… Usey Aawaaz Deti Hai.

Koi Apna K Jis Ka Naam Apne Dil Pe Likha Ho.

Jis K Wastey Dil Se Duaein Hi Nikalti Hoon.

Bohat Takleef Deta Hai Ussi Ko Al-Vida Kehna.

Jisey Dil Mein Basaya Ho.
Barey Hi Maan Se Jiss Ko Kabhi Apna Banaya Ho.

Bohat Takleef Deta Hai Ussi Ko Al-Vida Kehna.

**********************************************************

muhabbat bhi ajab shay hai bari takleef deti hai
isi meiN lutf haiN saare, yahi takleef deti hai.

yahi dastoor hai shaayad wafaadari kii duniya ka
jise jee jaan se chaaho wahi takleef deti hai.

shikaayat kar rahaa tha aasmaaN se aik sehra kal
mujhe khawaaboN meiN aksar ik naddi takleef deti hai.

palak bhar ka milan hota hai do anjaan chehroN meiN
magar phir umr bhar ye ik ghaRi takleef deti hai.

kazaa ka khauf lekar jee rahe haiN sab zamaane meiN
haqiiqat meiN sabhi ko zindagi takleef deti hai.

kabhi mauka-b-mauka ho to koii sabr bhi kar le
magar aathoN pehar kii bekhudi takleef deti hai.

savaa neze pe jab aa jaayega sooraj to kya hoga
humeN to garmiyoN kii loo baRi takleef deti hai.

zaraa kachche makaanoN kii taraf bhi tum nazar dalo
jahaaN baarish kii har teekhee jhaRi takleef deti hai.

adaavat ke jinhoNne har taraf parcham uRaaye the
unheN ab dostoN kii berukhi takleef deti hai.

numu hote hi jiske baaghbaaN hasrat se taktaa hai
kaii kaaNtoN ko wo taazaa kalii takleef deti hai.

bhulaane kii tago-dou meiN jalaa daale haiN khat mere
magar usko usii kii diary takleef deti hai.

nazar aaye jahaaN se roshnii masloob aaNkhoN kii
bayaaze-dil ko aisii shayri takleef deti hai.

**********************************************************

Hum Na Samjhe Sake The Baat Teri Itni Si
Sheeshe Ke Khwab Tod Ti Hai Duniya Pathar Ki
Arzoo Ki To Aaj Humne Yeh Guum Paaye
Dil Ke Hue Tukde Tab Jaana Hai Duniya Pathar Ki
Raha Saaya Mere Saath Par Na Mili Roshni
Umeed Meri Tuti Taab Jaana Hai Duniya Pathar Ki
Rishte Jodne Chale The Hum Pyar Ke
Aakhe Hui Naam Tab Jaana Ki Hai Duniya Pathar Ki
Hum Na Saamjh Sake The Teri Baat Itni Si
Chot Khai Taabhi Yeh Jaana Ki Hai Duniya Pathar Ki

**********************************************************

Aaj Kal Woh Hum Se Baat Nahi Karte Hain

Raat Se Din Aur Din Se Raat Nahi Karte Hain
Aate Rehte Hain Khayalon Main Har Pal

Par Asliyat Main Mulakaat Nahi Karte Hain
Kahan Hain, Kaise Hain Aur Kis Haal Main Hain Hum

Bereham Koi Sawalaat Nahi Karte Hain
Ashkon Main Doob Gayi Hain Palkein Aur Phir Zindigi Bhi

Band Barasna Yeh Ashq-E-Jazbaat Nahi Karte Hain
Bhool Gaye Hain “muskaana”, Aur, Koshish Bhi .. Di Hai Ab To

Kia Karein Manzoor Yeh Haalaat Nahi Karte Hain
Aik Dam Aa Jaayein Who Saam Ne Aur Lag Jaayein Seene Se

Pyaar Karte Hain Hum Un Se Sacha Koi Bataye Unhein Uff
Koi Kasoor Hum Aji, Hazooraat Nahi Karte Hain

Khafa Kyun Hain? Yeh Pata Ho To Mana Lein Un Ko
Par Woh To Koi Bhi Ishaaraat Nahi Karte Hain

“gum Naam ” Ki Patti Pe Jo Shabnam Hai Sookh Na Jaaye
Kisi Ki Zindigi Yun Hi Barbaad Nahi Karte Hain

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.