shaam savere nain bichha kar Lyrics
shaam savere nain bichha kar
raah takun main saajan ki
raam hi jaane kab chamkegi
kismat mere aangan ki
ghar ghar meri preet ka charcha
ghar ghar mere prem ki baat
pankh bina hi ud jaati hai
baat dilon ke bandhan ki
nain churaake jab se saiyyan
door kahin pardes gaye
birhan ki ankhiyon se barse
bin saawan rut saawan ki
haal pareshaan baal pareshaan
khoyi khoyi rehti hoon
aisa jadu daar gaye hain
sudh bisraayi tann mann ki
preetam ka mann mera mann hai
uski aasha meri hai
pi ke naina mere naina
daasi hoon main so tann ki
pardesi ke sang gayi thi
bhool na jaaye raah kahin
laut ke aana bhool gayi hai
jot hamaare nainan ki