Taab E Miraat E Sahar Gard E Bayaban E Arab Lyrics in Urdu
تاب مرات سحر گرد بیابان عرب
غازہٴ روئے قمر دود چراغان عرب
الله الله بہار چمنستان عرب
پاک ہیں لوث خزاں سے گل و ریحان عرب
جوشش ابر سے خون گل فردوس گرے
چھیڑ دے رگ کو اگر خار بیابان عرب
تشنہ نہر جناں ہر عربی و عجمی
لب ہر نہر جناں تشنہ نیسان عرب
طوق غم آپ ہوائے پر قمری سے گرے
اگر آزاد کرے سرو خرامان عرب
مہر میزاں میں چھپا ہوتو حمل میں چمکے
ڈالے اک بوند شب دے میں جو باران عرب
عرش سے مژدہٴ بلقیس شفاعت لایا
طائر سدرہ نشیں مرغ سلیمان عرب
حسن یوسف پہ کٹیں مصر میں انگشت زناں
سر کٹاتے ہیں تیرے نام پہ مردان عرب
کوچہ کوچہ میں مہکتی ہے یہاں بوئے قمیص
یوسفستان ہے ہر ایک گوشہٴ کنعان عرب
بزم قدسی میں ہے یاد لب جاں بخش حضور
عالم نور میں ہے چشمہ حیوان عرب
پائے جبریل نے سرکار سے کیا کیا القاب
خسرو خیل ملک خادم سلطان عرب
بلبل و نیلپر و کبک بنو پروانو
مہ و خورشید پہ ہنستے ہیں چراغان عرب
حور سے کیا کہیں موسیٰ سے مگر عرض کریں
کہ ہو خود حسن ازل طالب جانان عرب
کرم نعت کے نزدیک تو کچھ دور نہیں
کہ رضا#ئے عجمی ہو سگ حسان عرب