Ya Ilaahi Har Jaga Teri Ataa Ka Saath Ho Lyrics

Ya Ilaahi Har Jaga Teri Ataa Ka Saath Ho,

Jub Pare Mushkil Sha’e Mushkil Kusha Ka Saath Ho.

Ya Ilaahi Bhool Jaun Naza’Ki Takleef Ko,

Shaadiye deedare Husne Mustafa Ka Saath Ho.

Ya Ilaahi Gor Teera Ki Jab Aaey Sakht Raat,

Unke Pyaare Moonh Ki Subha Jaa Fiza Ka Saath Ho.

Ya Ilaah Garmi-e-Mahshar Seh Jub Bharke Badan,

Daaman-e-Mahboob Ki Thandi Hawaa Ka Saath Ho.

Ya Ilaahi Nama-e-A’maal Jub Khulne Lagay,

Aib-e-Pooshe Khalq Sat’taare Khata Ka Saath Ho.

Ya Ilaahi Rang Laayein Jab Meri Be Baaqiyaan,

Unki Neechi Nichi Nazroon Ki Hayaa Ka Saatho Ho.

Ya Ilaahi Jub Zabaane Baahar Aayey Pyaas Say,

Saahib-e-Kauthar Sha’e Jood-o-ataa Ka Saath Ho.

Ya Ilaahi Jub Chalo Tareekh Raahe Pul Siraate,

Aftaab-e-Haashmi Noorul Huda Ka Saath Ho.

Ya Ilaahi Jub Sare Shamsheer Par Chalna Pare,

“Rabbe Sallim” Kehne Waale Ghamzudah Ka Saath Ho.

Ya Ilaahi Jo Dua’e Nek Hum Tujhe Se Kare,

Qudsiyo Ke Lub Se Aameen Rab’bana Ka Saath Ho.

Ya Ilaahi Jub Raza Khaab-e-Giraa Se Sar Uthaa’e,

Daulat-e-Bedaar Ishk-e-Mustafa Ka Saath Ho.

Ya Ilaahi Har Jaga Teri Ataa Ka Saath Ho,

Jub Pare Mushkil Sha’e Mushkil Kusha Ka Saath Ho