apne daamaan-e-shafaa’at me chhupaae rakhna lyrics

apne daamaan-e-shafaa’at me.n chhupaae rakhna
mere sarkaar ! meri baat banaae rakhnaaap ki yaad se aabaad hai dil mera, huzoor !
banda-parwar ! meri hasti ko basaae rakhna

mere sarkaar ! meri baat banaae rakhna

aap yaad aae.n to phir yaad na aae koi
Gair ki yaad mere dil se bhulaae rakhna

mere sarkaar ! meri baat banaae rakhna

isi mansab ka talabgaar hu.n mai.n bhi, aaqa !
KHaak hu.n mai.n, mujhe qadmo.n se lagaae rakhna

mere sarkaar ! meri baat banaae rakhna

jab sawa neze pe KHurshid-e-qayaamat hoga
apni zulfo.n ke gunahgaar pe saae rakhna

mere sarkaar ! meri baat banaae rakhna

mai.n ne maana ki nikamma hu.n, magar aap ka hu.n
mujh nikamme ko bhi, sarkaar ! nibhaae rakhna

mere sarkaar ! meri baat banaae rakhna

un ke ho jaao, har ik cheez unhi.n se maango
apne daaman me.n na ehsaan paraae rakhna

mere sarkaar ! meri baat banaae rakhna

shaayad is raah se, KHaalid ! mere aaqa guzre.n
apni palko.n ko sar-e-raah bichhaae rakhna

mere sarkaar ! meri baat banaae rakhna

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.