Armaan Nikalte Hain Dil Ke Aaqa Ki Ziyarat Hoti Hai Naat Lyrics

 

Armaan nikaltay hain dil kay Aaqa ki ziyarat hoti hay
Kon is ko qayamat kehta hay aisi bhi qayamat hoti hay

Tayba ka tassawur kya kahiye ik kaif ki halat hoti hay
Jis samt nigahain uthti hain bas samnay jannat hoti hay

Ihsaas e fazun jab hota hay iss baab e karam say doori ka
Woh qalb hi janay be chaara jo qalb ki halat hoti hay

Hay unki raza par haq ki raza aur unka kiya hai haq ka kiya
Jo unka Iraadah hota hay woh haq ki mashiyat hoti hay

Iss baais e khalq e aalam ka jab naam labon par aata hay
Raahat se badal kar rehti hay jo koi museebat hoti hay

Tayba ki bahaar e dil kash ka jab tazkira koyee karta hay
Uss waqt mareez e ulfat ki kuch aur hi haalat hoti hay

Mukhtar e jahan hain woh Tehseen jo maango woh unsay milta hay
Taqseem unhin kay dar say to konain ki daulat hoti ha

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.