Wajhe Takhleeq E Do Aalam Naat Lyrics

 

Wajh e taqhleeq e do aalam aalam ara ho gaya
Aaj duniya ko gham e duniya gawarah ho gaya.

Doobne waale nay unka naam-e-naami jab liya
Mauj sahil ban gaee tufaan kinara ho gaya

Allah Allah nasha e suhbaae ulfat ka suroor
Dil ki ankhain khul gaeen unka nazara ho gaya

Marhaba aay wusate zail e khata posh Nabi
Aasiyon ko munh chupane ka sahara ho gaya

Showk say mujh ko farishte lay chalain soo e jaheem
Main na bolunga agar unko gawara ho gaya

Bus abhi hote hain tay yeh nek-o-badd kay marhale
Aap yeh farmaa toh dain Tehseen hamara ho gaya

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.