Banda Qadir Ka Bhi Qadir Bhi He Abdul Qadir
Banda Qadir Ka Bhi Qadir Bhi He Abdul Qadir
Sir E Baatin Bhi He Zaahir Bhi He Abdul Qadir
Mufti E Shara Bhi He Qaazi E Millat Bhi He
Ilm E Asraar Sey Maahir Bhi He Abdul Qadir
Manbaa Faiz Bhi He Majmaa Afdaal Bhi He
Meher E Irfaan Ka Munnawar Bhi He Abdul Qadir
Qutb E Abdaal Bhi He Mehwer E Irshaad Bhi He
Markaze Daairah E Sir Bhi He Abdul Qadir
Salak E Irfaan Ki Ziya He Yahi Dur E Mukhtaar
Fakhr E Ashbaah-Wa-Nazair Bhi He Abdul Qadir
Us Key Farmaan Hain Sab Shaareh Hukm E Shaare
Mazhare Naa Hi-O-Aamir Bhi He Abdul Qadir
Zee Tasarruf Bhi He Maazoon Bhi Mukhtar Bhi He
Kaar E Aalam Ka Muddabir Bhi He Abdul Qadir
Rashk E Bulbul He RAZA Laala E Sad Daagh Bhi He
Aap Ka Waasif-O-Zaakir Bhi He Abdul Qadir