Hazrat Maulana Sardaar Ahmad Biography | Mohaddeeṡ-e-Aazam-e-Pakistan

by

Hazrat Allama Maulana Sardaar Ahmad rahmatullāhi alaihi:

Alqaab

  • Mohaddeeṡ-e-Aazam-e-Pakistan

  • Bahr-ul-uloom

Ibtidaai Ta’aruf Aur Taleemi Safar

  • Wilaadat: Aap ki wilaadat 1329 Hijri (1911 A.D.) me Diyal Garh, Gurdaspur me hui. Aap ke waalid zameendaar the aur bahot ameer the.

  • Ruhani Inqilaab: Apne watan me Matric ki padhai puri karne ke baad Aap aage padhai ke liye Lahore gaye. Waha ek jalse me Aap ko Hazrat Hujjat-ul-Islaam Muhammad Haamid Raza Khan rahmatullāhi alaihi se mulaaqaat ka mauqa mila. Hazrat ki nigaah e faiz se Aap ke dil ka aalam badal gaya.

  • Ta’aleem: Lahore University se F.A. ki padhai mukammal karne ke baad Aap Daar-ul-Uloom Mazhar e Islaam, Bareilly me daakhil hue. Waha Aap ne Hazrat Hujjat-ul-Islaam Muhammad Haamid Raza Khan rahmatullāhi alaihi ki khaas nigaraani me 3 saal tak ta’aleem haasil ki.

  • Ajmer Ka Safar: Aap Maulana Hasan Raza Khan rahmatullāhi alaihi ke saath Ajmer gaye aur waha Madrassa Moeeniya Uṡmaaniya me Hazrat Sadr-ush-Shariah Mufti Amjad Ali Aazmi rahmatullāhi alaihi se ta’aleem aur faiz haasil kiya.

Khidmaat-e-Tadrees Aur Ta’ameer-e-Madaris

  • 1351 Hijri (1933 A.D.): Hazrat Sadr-ush-Shariah Mufti Amjad Ali Aazami Ajmer se Bareilly aaye tab unho ne Aap ko Daar-ul-Uloom Mazhar e Islaam me Mudarris banaaya.

  • Sadr-ul-Mudarriseen: 3 saal baad Hazrat Sadr-ush-Shariah Bareilly se Dadu (Aligadh) gaye tab un ke badle Aap ko Daar-ul-Uloom Mazhar e Islaam ka Sadr-ul-Mudarriseen banaaya gaya.

  • 1355 Hijri (1937 A.D.): Aap ki koshish se Daar-ul-Uloom Mazhar e Islaam ki tajdeed ka kaam mukammal hua.

  • Pakistan Ki Khidmaat: Taqseem e mulk ke baad Aap Lahore tashreef le gaye.

  • 1368 Hijri (1949 A.D.): Huzoor Mufti e aazam e Hind rahmatullāhi alaihi ke mashware par Aap Faisalabad me Muhalla Sunnatpura tashreef laaye. Aap ki mehnat aur faiz se Jaamia Razawia Mazhar e Islaam ki bunyaad rakhi gai.

Aap Ilm e Hadeeṡ aur dusre uloom ke maahir the aur 25 saal ke dauraan taqreeban 700 talba ne Aap se Hadeeṡ ki ta’aleem haasil ki. Aap Ahadeeṡ ki tamaam kitaabo ka dars dete aur logo ko Sunnato aur Hadeeṡ par amal karne ki ta’aleem dete.

Munaazra

Maulana Shibli Nomani (Deobandi) ke saath ‘Tahzir-un-Naas’ ke mauzu par Aap ne munaazara kiya jis me Maulana Shibli Nomani ki shikast hui.

Mash’hoor Shaagird

  1. Shaikh-ul-Hadeeṡ Ghulaam Rasool Razawi

  2. Faqeeh-e-Aazam e Hind Mufti Sharif-ul-Haq Amjadi

  3. Maulana Tehsin Raza Khan Bareilwi

  4. Allama Abdul Mustafa Azhari

  5. Mufti Abdul Qayyoom Hazarwi

  6. Allama Abul Hasanat Muhammad Ashraf Sialwi

  7. Haafiz-e-Bukhari Allama Sayyed Muhammad Jalaal-ud-deen

  8. Munaazir e Ahle Sunnat Maulana Inaayatullāh Shaah

  9. Maulana Mukhtaar-ul-Haq Siddeeqi

  10. Abul Ma’ani Muhammad Moeen-ud-deen Shafi’i

  11. Mufti Muhammad Ameen

  12. Mawlana Sayyed Muhammad Haseen-ud-deen Shaah

  13. Allama Faiz Ahmad Uwaisi

  14. Mufti Mujeeb-ul-Islaam Aazmi

  15. Allama Abdul Qaadir Ahmedabadi

  16. Maulana Abu Daawūd Muhammad Saadiq

  17. Maulana Ghulaam Rasool Saeedi Samundari

  18. Allama Abdul Mustafa Aazami

  19. Maulana Ehsaan-ul-Haq Faisalabadi

  20. Maulana Muhammad Ibrāheem Khushtar Siddeeqi Qaadri Razawi

Aqeedat Aur Ba’et

  • Aap Aala Hazrat Imaam Ahmad Raza Khan rahmatullāhi alaihi ki bahot izzat karte the aur Bareilly ko hamesha ‘Bareilly Shareef’ kehte.

  • 1362 Hijri (1943 A.D) me Hujjat-ul-Islaam Muhammad Haamid Raza Khan rahmatullāhi alaihi ka wisaal hua to Hazrat ki wasiyat ke mutaabiq Aap ne un ki namaaz e janaaza padhai aur tadfeen me bhi shaamil hue.

  • Ba’et Aur Khilaafat: Aap Hazrat Sadr-ush-Shariah Mufti Amjad Ali Aazami rahmatullāhi alaihi ke mureed aur khalifa hain. Hazrat Hujjat-ul-Islaam Muhammad Haamid Raza Khan Bareilwi rahmatullāhi alaihi ne bhi aap ko khilaafat ata farmai hai. Aa’la Hazrat Allama Sayyed Shaah Ali Husain Ashrafi miya Kichhauchhawi rahmahtullāhi alaihi ne aap ko ‘Chishti Ashrafi’ silsile ki khilaafat ata farmai hai.

Pariwaar Aur Khulfa

  • Saahabzaade: (1) Fazl-e-Rasool Haidar, (2) Muhammad Fazal Kareem.

  • Khulfa: (1) Hazrat Qaazi Fazl-e-Rasool Haidar Razawi rahmatullāhi alaihi, (2) Hazrat Maulana Muhammad Ibrāheem Khushtar Siddeeqi rahmatullāhi alaihi.

Wisaal Aur Mazaar-e-Aqdas

  • Wisaal: Aap ka wisaal 1 Sha’abaan 1384 Hijri (December 1964 A.D.) ko hua.

  • Mazaar: Aap ka mazaar Faisalabad (Pakistan) me hai.

Dua: ALLĀH ta’ala us ke Habeeb sallallāhu alaihi wa sallam ke sadqe me aur Hazrat Mohaddeeṡ e aazam e Pakistan Maulana Sardaar Ahmad rahmatullāhi alaihi aur tamaam Auliya Allāh ke waseele se Sab ko mukammal ishq e Rasool ata farmae aur Sab ke Eimaan ki hifaazat farmae aur Sab ko nek amal karne ki taufiq ata farmae. Aur Sab ko dunya wa aakhirat me kaamyaabi ata farmae aur Sab ki nek jaa’iz muraado ko puri farmae. Aameen.

Leave a Comment