ik nazar mujh pe bhi sultan madine wale lyrics

ik nazar mujh pe bhii sultaan madiine vaale

dono.n a.alam ke nigahbaan madiine vaale

vaj.h-e-taskiin hai aaqaa teraa naam-e-naamii

do jahaa.n kii hai tuu hii jaan madiine vaale

mujh pe bhii nazar-e-karam ai mere daataa kar de

teraa hokar huu.n pareshaan madiine vaale

dekh luu.n mai.n bhii madiine kii nuuraanii galiyaa.n

bas yahii hai miraa armaan madiine vaale

us pe vaajib hai shafaa.at jo bhii dar par aayaa

allaah allaah teraa farmaan madiine vaale

likh de likh de mirii qismat me.n madiina likh de

hai tirii milk qalam-daan madiine vaale

ho ‘niyaazii’ bhii kabhii tere madiine haazir

kar de mushkil mirii aasaan madiine vaale