kabhii suu-e-Gariban bhi nazar ho ya rasool-allah lyrics

kabhii suu-e-Gariban bhi nazar ho ya rasool-allah lyrics

 

 

kabhii suu-e-Gariibaa.n bhii nazar ho yaa rasuul-allaah

kabhii suu-e-Gariibaa.n bhii nazar ho yaa rasuul-allaah

madiine paak kaa hukm-e-safar ho yaa rasuul-allaah

yahii hai aarzuu merii yahii armaan hai dil kaa

madiine me.n miraa chhoTaa saa ghar ho yaa rasuul-allaah

mire uj.De chaman me.n bhii bahaar aa.e kabhii aaqaa

merii shaam-e-alam kii bhii sahar ho yaa rasuul-allaah

labo.n par naam ho teraa tirii ulfat ho siine me.n

ye merii zindagii yuu.nhii basar ho yaa rasuul-allaah

mirii duniyaa badal jaa.e mirii qismat sa.nvar jaa.e

agar merii taraf teraa guzar ho yaa rasuul-allaah

ba-juz tere nahii.n ko.ii shikasta-haal kaa haamii

do-a.alam ke tumhii.n to chaara-gar ho yaa rasuul-allaah

mai.n samjhuu.ngaa Thikaane par lagii miTTii ‘niyaazii’ kii

mirii jab maut aa.e teraa dar ho yaa rasuul-allaah

do-a.alam ke tumhii.n to chaara-gar ho yaa rasuul-allaah

mai.n samjhuu.ngaa Thikaane par lagii miTTii ‘niyaazii’ kii

mirii jab maut aa.e teraa dar ho yaa rasuul-allaah

Leave a Reply

This site uses Akismet to reduce spam. Learn how your comment data is processed.

%d bloggers like this: