Tarab angaiz hi raahat fizaa hay kaif samaan hay Naat Lyrics

 

Tarab angaiz hay raahat fizaa hay kaif saamaan hay
Yeh koyee gulistaan hay yaa Madinah ka bayabaan hay

Meri jaanib nigaah e lutf sardaar e Rasoolaan hay
Muqaddar par main naazaan hoon muqaddar mujh pe nazaan hay

Yeh maana baagh e rizwaan rooh parwar kaif saamaan hay
Madinah ka gulistaan phir Madinah ka gulistaan hay

Mujhe dunya main koi gham na ‘uqbaa main pareshaani
Yahan bhi un ke damaan hay wahan bhi un ka damaan hay

Nabi ki yaad hay kaafi sahaara donon aalam main
Yahan wajh e sukoon e dil wahan bakhshish ka samaan hay

Mujhe parwaa nahin mowjhain uthain toofaan aa jaaye
Nagehbaan e do aalam meri kashti ka nagehbaan hay

Nabiyon main kuch aisee shaan hay Sarkaare e waala ki
Keh agle Anbiyaa ko ummati bannay ka armaan hay

Jo un ke hain unhain naar e jahannum choo nahin sakti
Khuda ke khaas bandon par Khuda ka khaas ihsaan hay

Nahin fel e abas Sarkaar e Taybah ki sana khwaani
Jo wo Tehseen farmaa dain to yeh bakhshish ka samaan hay.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.