Yaad e Sarkar Taybah jo aaye Naat Lyrics

Yaad e Sarkar Taybah jo aaye Naat Lyrics

 

Yaad e Sarkaar Taybah jo aayee
Mill gayee dil ko gham se rihaayee

Jis nay dekhaa bayabaan e Taybah
Uss ko rizwaan ki jannat na bhaayee

Mujh ko be bass na samjhay zamaanah
Un ke dar tak hay meri rasaayee

Phir masaaib nay ghera hay mujh ko
Aay gham e ishq e Aaqa duhaayee

Jis nay samjhaa unhain apne jaisaa
Uss nay imaan ki dawlat gunwaayee

 

Dua
Khudaaya muraadon se daaman ko bhar de
Junoon e muhabbat de zowq e nazzar de

Badal day nawishtay wohi door kar de
Ali ki see haibat shukooh e Umar de

Parre jo bhi mushkil woh asaan kar de
Musalmaan ko phir se Musalmaan kar de

 

Qit’aat

Lan taraani naseeb Moosa thi
Un ko jalwe dikhaaye jaate hain

Woh sar e toor khud gaye laikin
‘Arsh par yeh bulaaye jaate hain

Rabb nay sab kuch ataa kia un ko
Paane waale unheen se paate hain

Haq shanaasi hay fitrat momin ki
Jis ka khaate hain uss ka gaate hain

‘ilm e ghaib e Rasool kay munkir
Ik haqeeqat ko bhool jaate hain

Ghaib maana ke raaz hay laikin
Raaz apnon se kab chupaate hai