un ke jalwon ki jhalak se jo ujaale honge lyrics


 

un ke jalwo.n ki jhalak se jo ujaale honge
wo hasee.n lamhe ba.De dekhne waale honge

kaun kahta hai meri qabr andheri hogi
ruKH-e-anwar se lahad me.n bhi ujaale honge

un ke jalwo.n ki jhalak se jo ujaale honge
wo hasee.n lamhe ba.De dekhne waale honge

pyaas mahshar ki bhala ham ko sataae kyu.n-kar
un ke haatho.n me.n jo kausar ke piyaale honge

un ke jalwo.n ki jhalak se jo ujaale honge
wo hasee.n lamhe ba.De dekhne waale honge

wajd karte hue ham pul se guzar jaaenge
kyu.n ki sarkaar mere ham ko sambhaale honge

un ke jalwo.n ki jhalak se jo ujaale honge
wo hasee.n lamhe ba.De dekhne waale honge

zahmate.n hashr ki hargiz na qareeb aaengi
ham to sarkaar ki rahmat ke hawaale honge

un ke jalwo.n ki jhalak se jo ujaale honge
wo hasee.n lamhe ba.De dekhne waale honge

kaash ! Rizwan ko bhi sadqa-e-hassaan mile
phir to mid.hat ke bhi andaaz niraale honge

un ke jalwo.n ki jhalak se jo ujaale honge
wo hasee.n lamhe ba.De dekhne waale honge

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.