Wa Museebata Noha Lyrics
Dete Hain Jibreel Sada Wa Museebata
Be-Jurm Qatl Ho Gaye Sajde Me Murtaza
Wa Museebata
Dete Hain Jibreel Sada Wa Museebata
Doobi ali Ke Khoon Me Kufe Ki Hai Sahar
Zakhmi Huye Hain Sajde Me Hassnain Ke Pidar
Masjid Me Farshe Gham Hai Ali Ka Bichha Hua
Wa Museebata
Dete Hain Jibreel Sada Wa Museebata
Bhooli Abhi Kahan Thin Wo Madar Ki Pasliyan
Roti Thin Cheekh Cheekh Kar Haider Ki Betiyan
Saya Saron Pe Haye Yateemi Ka Chha Gaya
Wa Museebata
Dete Hain Jibreel Sada Wa Museebata
Shere Khuda Ke Zakhm Se Rukta Nahin Tha Khoo.n
Ye Dekh Kar Nabi Huye Turbat Me Be Sukoo.n
Kahte The Sar Ko Peet Ke Sare Hi Ambiya
Wa Museebata
Dete Hain Jibreel Sada Wa Museebata
Apne Lahu Me Doob Gaya Haye Rozadar
Kaise Layi’n Ne Kar Diya Shere Khuda Pe War
Sajde Se Sar Utha Na Saka Shere Kibriya
Wa Museebata
Dete Hain Jibreel Sada Wa Museebata
Ye Khabar Bhi Laayi Hai Unnis(19) Ki Sahar
Veeran Hone Wala Hai Ab Saiyada Ka Ghar
Shere Khuda Ka Qatl Hai Aaghaz E Karbala
Wa Museebata
Dete Hain Jibreel Sada Wa Museebata
Imdad Ko Gharibon Ki Ab Kon Aayega
Ab Kon In Gharibon Ko Khana Khilayega
Inka Masiha Qatl Hua Inko Kya Pata
Wa Museebata
Dete Hain Jibreel Sada Wa Museebata
Ab Aur Likh Na Paunga Azlaan Azmi
Yaad Aa Rahi Hai Mujhko Bahut Baba Jaan Ki
Ibne Ali O Zahra Mujhe Dena Hosla
Wa Museebata
Dete Hain Jibreel Sada Wa Museebata