Hazrat Allama Maulana Hidaayatullāh Khan Rampuri Biography

by

Hazrat Allama Maulana Hidaayatullāh Khan Rampuri rahmatullāhi alaihi:

Ibtidaai Ta’aruf Aur Khandaan

  • Laqab: Ustaad-ul-Asaatiza.

  • Wilaadat: Aap ki wilaadat Rampur me hui.

  • Aabaai Watan: Aap ka aabaai watan Swat tha.

  • Waalid: Aap ke waalid ka naam Maulwi Rafi’ullāh Khan Rampuri hai.

Ilmi Safar Aur Asaatiza

  • Ibtidaai Ta’aleem: Aap ne ibtidaai ta’aleem apne waalid se haasil ki.

  • Deegar Asaatiza:

    • Maulana Haafiz Ghulaam Ali (Sarf aur Nahaw)

    • Maulana Jalaal-ud-deen al-Matufi (Mantiq)

    • Maulana Ghulaam Ali Naginawi al-Matufi (Hadeeṡ)

  • Allama Fazle Haq Khairabadi Ki Sohbat: Jab Allama Fazle Haq Khairabadi Rampur ke daure par tashreef laaye to un se mulaaqaat ke baad Hazrat ki sohbat me rehkar uloom o funoon ki ta’aleem haasil ki. Aap Hazrat ke aise moataqid the ke har waqt Hazrat ki khidmat me rehte. Delhi, Alwar aur deegar maqaamaat par Hazrat ke saath saath rahe.

Angrez-Mukhalif Jihad Aur Ilmi Khidmaat

1273 Hijri (1857 A.D.) me Allama Fazle Haq Khairabadi ne Angrezo ke khilaaf Jihaad ke muta’aaliq fatawa jaari kiya. 1857 A.D. ke gadar ke nakaam hone ke baad 30 January 1859 A.D. me Angrez hukoomat ne Hazrat ko girftaar kiya. Muqadama chalaane ke baad Awadh ki adaalat ne Hazrat ko Kaala-paani (Cellular Jail) ki saza sunaai. Rabi ul awwal 1276 Hijri (8 October 1859 A.D.) ko un ko umr qaid ke liye Andaman bhej diya gaya. Is ke baad Aap maghmoon apne watan waapas aaye aur Madrasa me Mudarris ki zimmedaari sambhali.

Jaunpur Mein Ilmi Khidmaat: 1287 Hijri (1870 A.D.) me Jaunpur tashreef laaye aur Madrasa Hanafiya me Sadr-ul-Mudarriseen bane aur ta’aleem wa tadrees farmaate rahe. Mukhtalif maqaamaat se kaṡeer ta’adaad me taalibaane ilm Aap se ta’aleem haasil karne ke liye aane lage. Aap apne shaagirdo par nihaayat shafeeq the.

Mash’hoor Shaagird

  1. Hazrat Sadr-ush-Shariah Allama Mufti Amjad Ali Aazami

  2. Hazrat Maulana Muhammad Siddeeq

  3. Hazrat Allama Maulana Sayyed Sulaimān Ashraf Bihari

  4. Hazrat Khwaja Misbaah-ul-Hasan Chishti Phaphundi

  5. Hazrat Allama Hakeem Sayyed Barkaat Ahmad Tonki

  6. Hazrat Maulana Abdus Salaam Niyaazi Dehlawi

  7. Hazrat Maulana Sayyed Ali Matufi

Ilmi Muqaam Aur Manazraat

Aap Jaami’ Ma’aqulaat wa Manqulaat the. Aap ne Wahaabi firqe ko radd karke daleelen pesh ki.

  • 1300 Hijri: Murshidabad (Bengal) me Ghair Muqallid Abdul Azeez Raheemabadi ka muaqaabala karke Mazhabe Hanafi ki nusrat wa himaayat farmai.

  • 1318 Hijri: Patna me mun’aqid Majlise Ulama e Ahle Sunnat ke jalse me shareek hue.

Ba’et Aur Khilaafat

  • Aap Hazrat Shaah Chhote Miyan Qaadri rahmatullāhi alaihi ke mureed hain.

  • Hazrat Allama Fazl-e-Haq Khairabadi rahmatullāhi alaihi ne Aap ko khilaafat ata farmai hai.

Wisaal Aur Mazaar-e-Aqdas

  • Wisaal: Aap ka wisaal 5 Ramazaan 1326 Hijri (1908 A.D.) ko hua.

  • Mazaar: Aap ka mazaar Rashidabad, Jaunpur (Uttar Pradesh) me hai.

Dua: ALLĀH ta’ala us ke Habeeb sallallāhu alaihi wa sallam ke sadqe me aur Hazrat Allama Maulana Hidaayatullāh Khan Rampuri rahmatullāhi alaihi aur tamaam Auliya Allāh ke waseele se Sab ko mukammal ishq e Rasool ata farmae aur Sab ke Eimaan ki hifaazat farmae aur Sab ko nek amal karne ki taufiq ata farmae. Aur Sab ko dunya wa aakhirat me kaamyaabi ata farmae aur Sab ki nek jaa’iz muraado ko puri farmae. Aameen.

Leave a Comment