KHaak-e-madina hoti mai n KHaaksaar hota Lyrics

 

 

KHaak-e-madina hoti, mai.n KHaaksaar hota
hoti rahe madina mera Gubaar hota

aaqa agar karam se tayba mujhe bulaate
rauze par sadqe hota, un par nisaar hota

wo bekaso.n ke aaqa, bekas ko gar bulaate
kyu.n sab ki Thokro.n par pa.D kar wo KHwaar hota

tayba me.n gar muyassar do-gaz zameen hoti
un ke qareeb basta, dil ko qaraar hota

mar miT ke KHoob lagti miTTi meri Thikaane
gar un ki rah-guzar par mera mazaar hota

ye aarzoo hai dil ki hota wo sabz-gumbad
aur mai.n Gubaar ban kar us par nisaar hota

be-chain dil ko ab tak samjha bujha ke rakha
magar ab to is se, aaqa ! nahi.n intizaar hota

Saalik ! hue ham un ke, wo bhi hue hamaare
dil-e-muztarib ko lekin nahi.n e’tibaar hota

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.