Zakat ke Masail in Roman English

 

Zakat Farz Hai Iska Inkaar Karne Wala Kafir, Aur Na Dene Wala
Fasiq O Jahannami Aur Ada KArne Me Dair (Late/ Not On
Time) Lagane Wala GunahGaar O Mardood-ush-Shahadat Hai.

Allah Ta ‘Ala Farmata Hai

Aur Muttaqi Wo Hai Ke Hamne Jo Unhe Diya Hai,
Usme Se Hamari Rah Me Kharch Karte Hain.
(Para 1,Al-Baqarah – 3)
Unke Malon Me Se Sadqa Lo, Uski Wajah Se
Unhe Paak Aur Suthra BAnado. (Para 11,At-Touba103)
Aur Falah Pate Wo Hain Jo Zakat Ada Karte
Hain. (Para – 18, Al-Mominoon – 4)
Aur Jo Kuch Tum Kharch Karoge, Allah Ta
‘Ala
Uski Jagah Aur Dega Aur Wo Behtar Rozi Dene
Wala HAi (Para – 22, SAba – 39)

Zakaat ke Talluq se Zururi Suwaal Jawaab

Zakat Kitne Maal Par Wajib Hoti Hai?
52.5 Tola Chandi ya 7.5 Tola Sona Ya Itne Paise Jitne Me 52.5 Tola
Chandi Kharidi Ja Sakti Ho Zakat Wajib Hui.
Zakaat Kitni Dena Wajib Hai?
Maal Ka 40wa Hissa Yani Rs.100 Ki 2.50 Zakat Hai Mishal K Taur Par
25 Hazar Ki Rs 625. Zakat Hui (Bahar-E-Shari’at Part-5).
Zakat Wajib Hone K Lie Kuch Shartein: Muslman Hona, Balig Hona,
Aqil Hona, Azad Hona, Malike Nisab, Pure Taur Pr Malik Hona, Nisab
Ka Hajaat-E-Aslia Se Farig Hona (Yani Ghar Me Istemal Walichizon Se
Alag Itna Maal Hona Jitne Par Zakat Wajib He) Maal Ka Apne Naam
Me Hona Zaruri Hai, Utni Rakam Par Ek Saal Guzarna Jitni Par Zakat
Wajib Hai Agar Ek Saal Pehle Zakat Wajib Hone Se Kam Paise The To
Us Par Abhi Zakat Nahi Deni Hogi (Qanune Shariat).
Zakaat Kin Logo Ko Dena Chahiye?
Zakat K Masarif 7 hain: 1. Faqeer 2. Miskeen 3. Aamil 4. Ri ‘Qaab
5. Garim 6. Fi’sabilillah 7. Ibn-E-Sabeel.

Zakaat Kin Logo Ko Dena Chahiye?

Zakat K Masarif 7 hain: 1. Faqeer 2. Miskeen 3. Aamil 4. Ri ‘Qaab
5. Garim 6. Fi’sabilillah 7. Ibn-E-Sabeel.

Faqeer: Wo Hai Jiske Pass Kuch Ho Magar Itna K Nisaab Se Kam
Ho, Agar Kuch Ho Bhi To Hajat-E-Aslia Se Ho Jaise: Rehne Ka Ghar
Aur Zindagi Basar Karne Ki Dusri Chizen Jyada Hon Tab Bhi Usy
Zakat De Sakte Hain. Mas’ala: Agar Uske Pas Kapde Aur Khane Ko
Hoto Bagere Zarurat & Majburi Faqir Ko Sawal Krna Haram Hai
(Alamgiri).
Miskeen: Wo Hai Jiske Pass Kuch Na Ho Yahan Tak K Badan
Chhupane Tak K Lie Uska Mohtaj Hai Khane K Lie Kuch Na Ho Usko
Zakat Dena Jaiz Hai.
Aamil: Wo Log Hai Jinko Imaam-Ul-Muslemeen Ne Sadqe Wasool
Karne Par Muqarrar Kia Ho Imaam Usko Itna De K Usko Aur Uske
Madadgaro Ko Kaafi Ho Magar Itna Na Dia Jaye K Jo Wasool Kar
Lia Hai Uske Aadhe Se Zyada Ho Jaye, Agar Amil Maldaar Ho To
Bhi Usko Lena Jaiz Hai (Alamgiri).
Riqaab: Se Murad Mukatab Ghulam Ko Dena K Apne Malik Ko
Maale Zakat Dekar Apni Jaan Churdaye

 

 

5. Garim: Se Murad Madyoon Hai Yani Uspar Itna Karza Ho K Usay Nikalne
K Baad Nisab Baqi Na Rahe Agarche Uska Auron Par Baaqi Ho Magar Unse
Lene Par Qadir Na Ho Magar Shart Yeh K Hashmi Na Ho Usko Zakat De
Sakte Hain (Durre Mukhtar)
6. Fi’Sabilillah: Yani Allah Ki Raah Me Kharch Krna Uski Kayi Suratein Hain
Jaise Koi Jihaad Me Jana Chahta Hai Aur Saman Uske Pass Nahi To Zakat
Ka Maal De Sakte Hai Ya Koi Hajj Krna Chahta He Aur Uske Paas Paisa
Nahi Magar Usko Mangna Jaiz Nahi, Ya Talib-E-Ilm Jo Ilme Deen Seekhta
Hai Usey Bhi Zakat Di Ja Sakti Hai Aise Hi Har Nek Kaam Me Zakat Kharch
Karna Fisabilillah Jab K Batore Tamlik (Malik Bana Dena) Ho Baghair Malik
Banaye Zakat Adaa Nahi Ho Sakti (Durre Mukhtar). Mas’ala: Kuch Log
Zakat Ka Maal Islami Madarso Me Bhej Dete Hai Unko Chahiye K Bata Dia
Karein K Ye Zakat Hai Taki Wo Usko Alag Rakh De Kisi Aur Maal Me Na
Rakh De Kisi Kaam Ki Ujrat Me Na De Warna Zakat Adaa Na Hogi, (Durre
Mukhtar).
7. Ibne Sabeel: Yani Wo Musafir Jiske Pass Maal Na Raha K Wo Apne Ghar
Na Ja Sakta Ho Chahe Wo Maaldar Hi Kyu Na Ho Lekin Uske Pass Uswaqt
Nahi Hai To Wo Zakaat Le Sakta Hai Magar Utne Jitni Uski Zarurat Ho
Zyada Lena Uske Liye Jaiz Nahi (In Masail K Hawale K Lie Bahar-E-Shariat,
Durr-E-Mukhtar Me Pardhien).

Allah Ta’Ala Farmata Hai

“Jo Log Allah Ta
‘Ala Ki Rah Me Kharch Karte Hain Un Ki
Kahawat Us Dana Ki Hai Jis Se Saat (7) Balen Niklen. HAr Baal
Me Saw (100) Dane Aur Allah Ta
‘Ala Jise Chahta Hai Ziyadah
Deta Hai Aur Allah Ta
‘Ala Us
‘AtWala Hai, Bada Ilm Wala HAi.
Jo Log Allah Ta
‘Ala Ki Rah ME Apne Maal Kharch Karte Phir
Kharch Karne Ke Baad Na Ehsaan Jatate, Na Aziyyat Dete
Hain, Unke Liye Un Ka Sawaab Unke Rab Ke Huzoor Hai Aur
Na Un Per Kuch Khouf Hai NA O Ghamgeen Honge. Achchi
Baat Aur Maghfirat Us Sadqe Se Behtar Hai Jiske Baad Aziyyat
Dena Ho Aur Allah Be-Parwah Hilmwala Hai”
Aur Farmata HAi…Neki Hasil Na KAroge Jab Tak Usme Se Na
Kharch Karo Jise Mehboob Rakhte Ho Aur Jo Kuch Kharch
KAroge Allah Ta
‘Ala Use Janta HAi” (Para: 4 Al-Imraan 96)

 

Allah Ta’Ala Farmata Hai

“Neeki Uska Naam Nahi Ke Mashriq O Maghrib Ki Taraf Muh Kardo,Neeki
To Uski Hai Jo AllahTa’Ala Aur Pichle Din Aur Malaika O Kitaab O Ambiya
Per Imaan Laya Aur Maal Ko Us Ki Muhabbat Per Rishtedaron Aur Yatimon
Aur Miskino Aur Musafir Aur Saileen Ko Aur Gardan Chatane Me Diya Aur
NAmaaz Qayim Ki Aur Zakat Di Aur Neek Wo Log Hain Ke Jab Koi
Mu’Ahida Karen To Apne ‘Ahad Ko Pura Karen Aur Takleef O Musibat Aur
Ladai Ke Waqt Sabr Karne Wale Log Sachche Hain Aur Wahi Log Muttaqi
Hain.” (Para – 2 Al-Baqara – 177)
“Jo Log Bakhl KArte Hain Uske Sath Jo Allah Ne Apne Fazl Se Unhe Diya.Wo
Ye Gumaan NA KAren Ke Ye Unke Liye Behtar Hai Balke, Ye Unke Liye Bura
Hai. Us Cheez Ka Qayamat Ke Din Unke Gale Me Touq Dala Jayega Jiske Sath
Bakhl Kiya.” (Para – 4 Al-Imraan 18)
“Jo Log Sona Aur Chandi Jam’A Karte Aur Use Allah Ki Rah Me Kharch Nahi
Karte Hain, Unhe DardNaak Azaab Ki KhushKhabri Suna Do, Jis Din Aatish E
Jahannam Me Wo Tapayen Jayenge Aur Un Se Unki Peshaniyan Aur
Karwaten Aur Pithen Daghi Jayengi (Aur Unse KAha Jayega) Ye Wo Hai Jo
Tumne Apne Nafs Ke Liye Jam’A Kiya Tha To Ab Chako Jo Jam’A Karte The.”
(Para 10,Sure Touba 34-35)

 

Aahadees iske Bayan Me Bahot Hain Baaz Unme se Hain
Saheeh Bukhari Shareef Me Abu Hurairah RadiAllahuTa’Ala Anhu Se Marwi,
RasoolAllah Sallalalhu Alaihi waSallam Farmate Hain: “Jis Ko Allah Ta’Ala
Maal De Aur Wo Uski Zakaat Ada Na KAre To Qayamat Ke Din Wo Maal
Ganje Saanp Ki Surat Me Kar Diya Jayega, Jis Ke Sar Per Do Chittiyaan
Hoo(N)Gi.Wo Saanp Uske GAle Me Touq Bana Kar Dal Diya Jayega Phir Uski
Bachen Pakdega Aur Kahega My Tera Maal Hoon,My Tera Khazana Hoon.”
Uske Baad Huzoor(Sallalla hu Alaihi WaSallam) Ne Is Aayat Ki Tilawat Ki

Isi KE Misl Tirmizi Wa Nisai Wa Ibn e Maja Ne Abdullah Bin Masood
RadiAllahuTa’al aAnhu Se Riwayat Ki.
Hadees Shareef: Ahmed Ki Riwayat Abu-Hurairah RadiAllahu Anhu Se Youn
Hai, “Jis Maal Ki Zakaat Nahi DiGayi, Qayamat Ke Din Wo Ganja
Saanp(Saanp Jab Hazaar Bars Ka Hota HAi To Uske Sar Per Baal Nikalte Hain
Aur Jab Wo Do Hazaar Bars Ka Hota hAi, Wo Baal Girjate HAin. Ye Ma’ani
Hain Ganje Saanp Ke, Ke Itna Purana Hoga.) Hoga ,Malik Ko Darayega, Wo
Bhagega Yahan Tak Ke Apni Ungliyaan Uske Muh Me Daaldege.” (Bahar e
Shari’at – Part 5)

 

Hadees Shareef: Saheeh Muslim Shareef Me Abu Hurairah RadiAllahu
Anhu Se Marwi, Farmate Hain Huzoor SallallahuAlaihi WaSallam: Jo shakhs
Sonay Chandi Ka Malik Ho Aur uska Haq Ada Na Kare To Jab Qayamat
Ka Din Hoga Uske Liye Aag Ke Patthar Banaye Jayenge un Per Jahannum Ki
Aag Bhadkayi Jayegi Aur Unse Uski Karwat Aur Peshani Aur Peeth Daghi
Jayegi, Jab Thande Hone Per Aayenge Phir Waisehi Kar Diye Jayenge. Ye
Mu’amulah Us Din Ka hai Jis Ki Miqdaar Pachaas (50) Hazaar Bars Hai
Yahan Tak Ke Bandon Ke Darmiyaan Faisla Ho Jaye, Ab Wo Apni Rah
Dekhega Khwah Jannat Ki Taraf Jaye Ya Jahannam Ki Taraf”
Aur Oont Ke Bare Me Farmaya: Jo Iska Haq Nahi Ada Karta, Qayamat Ke
Din Hamwaar Maidaan Me Latkayenge Aur O OOnt Sab Ke Sab Nihayat
Farba Ho Kar Aayenge, Paoon Se Use Rondenge Aur Muh Se Katenge , Jab
Unki Pichli Jama’at Guzar Jayegi,Pehli Loutegi Aur Gaye Aur Bakriyoun Ke
Bare me Farmaya: Ke Us Shakhs Ko Hamwaar Maidaan Me Latkayenge
Aur Wo Sab Ki Sab Aayegi, Na Unme Mude Huwe Sing ki Koi Hogi , Na
Be-Sing Ki, Na Tute Sing Ki Aur Singon Se Maaregi Aur Kharon Se
Rondengi. Aur Isi Ke Misl Sahiheen Me Oont Aur Gaye Aur Bakriyon Ki
Zakaat Na Dene Me Abu Zar RadiAllahuAnhu Se Marwi. (Bahar e Shari’at
– Part 5)

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.