Mere Moin Mere Mushkil Kusha Ghareeb Nawaz Lyrics
Mere Moiñ Mere Mushkil Kusha Ghareeb Nawaz
Har Haal Meiñ Mere Haajat Rawa Ghareeb Nawaz.
Rahe Ho Aur Rahoge, Ye Mera Eemañ Hai
Dayaar e Hind Ke Maalik Sada Ghareeb Nawaz.
Qutab, Fareed o Nizaam o Naseer o Sabir Meiñ
Hai Faiz Aap Ka Jalwa Numa Ghareeb Nawaz.
Tumhare Dar Pe Maruñ, Mar Ke Khaak Ho Jaauñ
Na Karna Dar Se khudara juda Ghareeb Nawaz.
Bujha Saka Na Koi Aur Na Bujh Sakega Kabhi
Charagh e Silsila e Chishtiya Ghareeb Nawaz.
Faqeer Sayyad e Bekas Ki Dono Aalam meiñ
Tumhare Haath Hai Sharm o Haya Ghareeb Nawaz.