Khatme Khwajagan in Urdu PDF

Sakht Se Sakht Mushkil Aur Zarurat Ke Liye Khatm-E-Khwajgan Dua
Roman English

Deeni Aur Duniyawi Hajaat Bar Lane Ke Liye Khatm-E-Khwajgan Ki Behad Fazilat Payi Jati Hai. Jab Bhi Kabhi Mushkilaat Ka Samna Karna Pare, Aap Ye Khatm Shareef Parh Sakte Hain. Chahe To Rozana Bhi Parh Sakte Hain Jab Tak Ke Museebat Tal Na Jaye.→Har Khwahish Puri Hone Ka Wazifa

Insha ALLAH, Kuch Hi Din Me Aapki Pareshani Ka Mukammal Khatma Hoga. Agar Aap Ye Khatam Shareef Apne Dil Ki Kisi Murad Ko Pane Ke Liye Parhenge. Insha ALLAH, Wo Murad Bhi Dekhte Hi Dekhte Puri Ho Jayegi. Ye Khatam Parhne Wala Insan Jitna Nek Aur Parhezgaar Hoga Utni Hi Jaldi Uski Dua Qubool Hogi.

Khatme Khwajagan Ka Tareeqa

Har Martaba Bismillah Shareef Ke Sath Shuru’aat Kijiye.

Saat (7) Martaba Surah Fatiha Parhiye.
Ek Sau Ek (101) Martaba Koi Si Bhi Durood-E-Pak Parhiye.
Unaasi (79) Martaba Surah Al-Inshira Or Ash-Sharh (Alam Nashrah) Parhiye.
Ek Hazar (1000) Martaba Surah Ikhlaas Parhiye.
Saat (7) Martaba Surah Fatiha Parhiye.
Ek Sau Ek (101) Martaba Koi Si Bhi Durood-E-Pak Parhiye.
Ek Sau Ek (101) Martaba Niche Diye Gaye Kalmaat Parhiye:
Yaallah Dua Wazaif

→ ALLAH Ki Ghaibi Madad Ka Wazifa

→ Rizq Ki Tangi Ka Wazifa-Badhane Ke Liye

Ya Qadiyal Hajaati Ek Sau Ek (101) Martaba
Ya Dafi’al Baliyyati Ek Sau Ek (101) Martaba
Ya Halal Mushkilaati Ek Sau Ek (101) Martaba
Ya Kafi Al-Mu’Himmaati Ek Sau Ek (101) Martaba
Ya Shafi Al-Amraazi Ek Sau Ek (101) Martaba
Ya Musabbibul Asbaabi Ek Sau Ek (101) Martaba
Ya Rafi’ad Darajaati Ek Sau Ek (101) Martaba
Khatme Khwajgan Ke Bad Dua Ka Tareeqa

Mukammal Khatm-E-Khwajgan Parhne Ka Bad Niche Bataye Gaye Tareeqe Ke Mutabiq Dua Mangi Jaye.

ALLAH Ta’ala Se Apne Tamam Sagheera-O-Kabeerah (Chhote Aur Bade) Gunaho Ki Muafi Mangiye.

ALLAH Tabarak Wata ‘Ala Se Dua Kijiye Ke Wo Aapki Ye Parhayi (Khatam) Ko Qubool Farmaye.

Is Parhayi Ka Tamam Savab Pyare Aaqa Hazrat Mu’hammad Sallallahu Alayhe Wasallam, Unki Aal-E-Pak, Sahaba Karaam, Auliya Karaam Aur Tamam Musalman Jo Is Duniya-E-Fani Se Rukhsat Ho Chuke Hain, Ko Pauhanchaiye.

Phir ALLAH Zille Shanahu Se Apni Hajat Rawayi Ke Liye Dil Ki Gahraiyon Se Dua Kijiye. Apni Mushkil Ke Hal Ke Liye Girgira Kar Dua Kijiye.

Insha ALLAH, Aapki Jo Bhi Dili Khwahish Hogi, Puri Ho Jayegi. Jo Bhi Mushkil Darpesh Hai, Rafa Ho Jayegi, Ameen.

→Ya Musabab Ul Asbab Ki Fazilat Aur Nikah Ka Wazifa

Khatm-E-Khwajgan Ke Liye Khas Ahteyat

Ye Wazifa Parhne Se Pahle Har Us Bat Ka Khas Khayal Rakha Jaye Jo Har Ibadat Karne Ke Liye Behad Zaruri Hai.
Wazifa Parhne Ki Jagah Pak-Saf Honi Chahiye.
Libas Saf Suthra Hona Chahiye.
Khatam Parhne Ke Bad Isal-E-Savab Bilkul Waise Hi Pauhanchaiye Jaise Upar Bayan Kiya Gaya Hai.
Khawateen Haiz/Mahwaari/Ayyaam Me Ye Amal Parhne Se Gurez Karen.
Insha ALLAH, Agar Aapne Ye Ahteyat Barti, To Aapka Khatam Aur Dua Zarur Qubool Hogi, Ameen.

Khatam E Khawajgan Ki Fazilat Aur Fawaid

Khatam-E-Khawajgan Wazifa Parhne Ke Beshumar Fawaid Hain.

Kisi Bhi Mushkil Ke Hal Aur Fauri Hajat/Zarurat Ke Pura Hone Ke Liye Khatam-E-Khawajgan Ka Parhna Akseer Hai.

Agar Koi Shakhs Muhabbat Ki Shadi Ka Talabgaar Hai, To Wo Bhi Khatam E Khawajgan Wazifa Parh Sakta Hai. Aisi Surat Me Pahle Yaallah Nikah Istikhara Zarur Kar Len.

Rizq Ki Zyadti Aur Rizq Me Izafe Ke Liye Khatam E Khawajgan Ka Wazifa Behad Mufid Sabit Hota Hai.

Gharz Ye Ke Har Jayaz Kaam/Maqsad Ke Liye Khatam-E-Khawajgan Parhne Se Kamyabi Yaqeeni Hai.

Aap Khatam-E-Khawajgan Pdf Bhi Download Kar Sakte Hain Jo Ke Is Post Ke Aakhir Me Aapko Mil Jayega.